Կապակցում

Պրոքսիի կարգավորումներ

Այս կարգավորումները հասանելի են միայն սեղանի համակարգիչների համար։ LAN ցանցի պրոքսին կարգավորելու համար Պրոքսի բաժնում ընտրեք HTTP և մուտքագրեք միացքը, հասցեն, օգտագործողի անունն ու գաղտնաբառը։

Ավտոմատ կապակցում

Միացված լինելու դեպքում ESET VPN հավելվածը կապակցվում է վերջին օգտագործված գտնվելու վայրին։

Կապակցման աշխատակերպ

Սկզբնադիր տարբերակն է Ավտոմատ, չնայած կարող եք ձեռքով ընտրել կապակցման աշխատակերպը: Ընտրեք Ձեռքով աշխատակերպը և բացվող ընտրացանկից ընտրեք հաղորդակարգը և Միացքը։ Անկախ ձեր գործավար համակարգից՝ հասանելի է վեց հաղորդակարգ.

•WireGuard. անվճար, բաց կոդով կապի արձանագրություն, որն օգտագործում է հետևյալ ալգորիթմները.

a)ChaCha20՝ սիմետրիկ գաղտնագրման համար, վավերացված Poly1305-ով,

b)Curve25519 ECDH-ի համար,

c)Blake2-ները հեշավորման և ստեղներով հեշինգի համար,

d)Siphash24 հեշային ստեղների համար, և

e)HKDF ստեղների ածանցման համար:

Այն սովորաբար ավելի արագ է, քան UDP և TCP հաղորդակարգերը և ավելի ճկուն, քան IKEv2-ը, ինչն այս հաղորդակարգը դարձնում է հիանալի տարբերակ ձեր առցանց գործունեությունն ապահովելու համար:

•IKEv2 – Թունելավորման հաղորդակարգ, որը IPsec-ի հետ զուգավորված՝ տրամադրում է բանալու փոխանակման ապահով աշխատաշրջան՝ տվյալների գաղտնագրումը և իսկորոշումն ապահովելու նպատակով։ Այն սովորաբար ամենաարագն է, բայց կարող է հեշտությամբ արգելափակվել։ IKEv2-ի ներդրումն օգտագործում է AES-256-GCM գաղտնագրման համար, SHA-256-ն ամբողջականության ստուգման համար: Սեղանի և Android հավելվածներն օգտագործում են ECP384՝ Diffie-Hellman ստեղնով բանակցությունների համար (DH խումբ 20), իսկ iOS-ն օգտագործում է ECP521՝ Diffie-Hellman ստեղնի բանակցությունների համար (DH խումբ 21):

•UDP – Այս աշխատակերպն օգտագործում է OpenVPN հաղորդակարգը։ UDP-ն սովորաբար OpenVPN-ի գործարկման ամենաարագ հաղորդակարգն է, քանի որ տվյալների ստուգումն ավելի քիչ է, բայց այն կարող է նաև հեշտությամբ արգելափակվել:

•TCP – Այս աշխատակերպն օգտագործում է OpenVPN հաղորդակարգը։ Շնորհիվ տվյալների բազմաթիվ ստուգումների՝ այն կարող է ավելի դանդաղ լինել, բայց դիմանում է ցանցային վատ պայմաններին և կայուն կապակցումներ է ապահովում։

•Stealth – Ընդգրկում է OpenVPN-ը TLS թունելում՝ Stunnel-ի միջոցով։ Սա OpenVPN թունել է, որը քողարկված է, որպեսզի HTTPS հոսքին նման լինի։ Խորհուրդ ենք տալիս օգտագործել այս հաղորդակարգը, եթե մյուս բոլոր մեթոդները ձախողվում են:

•Wstunnel – Ընդգրկում է OpenVPN-ը WebSocket-ում։ Խորհուրդ ենք տալիս օգտագործել այս հաղորդակարգը, եթե մյուս բոլոր մեթոդները ձախողվում են: