Шолу

Шолу терезесі ESET Small Business Security ішінде қауіпсіздік мүмкіндіктеріне жылдам өту сілтемелерімен бірге компьютеріңіздің ағымдағы қорғаныс күйі туралы ақпаратты көрсетеді.

Шолу терезесінде егжей-тегжейлі ақпаратты қамтитын хабарландыруларды және ESET Small Business Security қауіпсіздігін жақсарту үшін ұсынылған шешімдерді көрсетеді немесе қосымша мүмкіндіктерді іске қосады немесе максималды қорғанысты қамтамасыз етеді. Егер көбірек хабарландырулар болса, барлығын жаю үшін X қосымша хабарландыру түймешігін басыңыз.

Password Manager — Password Manager бағдарламасын реттеу әдісі туралы нұсқауларды ашады.

Желі инспекторы – Желінің қауіпсіздігін тексеру

Secure Data — Қауіпсіздік құралдарын ашады. Оны іске қосу үшін Secure Data жанындағы ауыстырып қосқыш белгішесін басыңыз. Егер Secure Data қосып қойсаңыз, жылдам сілтеме Secure Data бетін ашады.

Қауіпсіз банкинг және шолу — Қорғалған режимде Windows жүйесінде әдепкі браузерді іске қосады.

Браузердегі құпиялылық және қауіпсіздік — Ашылмалы тізімнен ESET жүйесі қорғайтын браузерде орнатуға рұқсат етілетін кеңейтімдерді таңдауға болады.

Антиұры — Антиұры реттеудібастайды. Егер Антиұры бағдарламасын реттеп қойған болсаңыз, жылдам сілтеме Антиұры бетін ашады.

VPN — Деректерді қауіпсіз ұстаңыз, қажетсіз бақылаудан аулақ болыңыз және аноним IP мекенжайының қосымша қауіпсіздігімен құпиялығыңызды арттырыңыз

Identity Protection — Жеке, несиелік және қаржылық ақпаратыңызды қорғайды. Identity Protection үздіксіз мониторингті қамтамасыз ету арқылы өзіңіздің жеке ақпаратыңыздың заңсыз сатылу жағдайларын анықтайды.

Жасыл белгіше мен жасыл Сіз қорғалғансыз күйі ең жоғары қорғаудың қамтамасыз етілгенін көрсетеді.
 

Бағдарлама тиісті түрде жұмыс істемесе не істеу керек?

Егер белсенді қорғау модулі дұрыс жұмыс істеп жатса, оның қорғау күйінің белгішесі жасыл болады. Қызыл леп белгісі не қызғылт сары хабарландыру ең жоғарғы қорғаныс қамтамасыз етілмейтінін білдіреді.

Әр модульдің қорғаныс күйі туралы қосымша мәліметтер, сондай-ақ толық қорғанысты қалпына келтіру үшін ұсынылатын шешімдер Шолу терезесінде хабарландыру ретінде көрсетіледі. Жеке модульдердің күйін өзгерту үшін Орнату түймесін басып, қажетті модульді таңдаңыз.

Қызыл белгіше және қызыл қауіпсіздік жүйесінің ескертуі күйі маңызды проблемаларды көрсетеді.
Осы күйдің көрсетілуінің бірнеше себептері бар, мысалы:

•Өнім белсендірілмеген немесе Жазылым мерзімі біткен — Бұл қызыл қорғау күйі белгішесімен көрсетіледі. Жазылым мерзімі біткеннен кейін бағдарламаны жаңарту мүмкін болмайды. Жазылымды жаңарту үшін ескерту терезесіндегі нұсқауларды орындаңыз.

•Анықтау механизмі ескірген – Бұл қате анықтау механизмін жаңартуға бірнеше сәтсіз әрекет жасалғаннан кейін шығады. Жаңарту параметрлерін тексеру ұсынылады. Бұл қатенің ең жиі себебі – дұрыс емес енгізілген аутентификациялау деректері немесе қате конфигурацияланған қосылым параметрлері.

•Файлдық жүйені нақты уақытта қорғау өшірілген — Нақты уақыттағы қорғауды пайдаланушы өшірген. Компьютер қауіптерден қорғалмаған. Бұл функцияны қайта қосу үшін Файлдық жүйені нақты уақытта қорғауды қосу опциясын басыңыз.

•Антивирустық және антишпиондық қорғау өшірілген – Антивирустық және антишпиондық қорғауды Антивирустық және антишпиондық қорғауды қосу пәрменін басу арқылы қайта қосуға болады.

•ESET брандмауэры өшірілген – Бұл мәселені жұмыс үстеліндегі Желі элементінің жанындағы қауіпсіздік туралы хабарландыру да көрсетеді. Желіні қорғауды Брандмауэрді қосу түймесін басып қайта қосуға болады.

Сарғылт белгіше шектеулі қорғауды көрсетеді. Мысалы, бағдарламаны жаңартуда мәселе болуы немесе жазылымыңыздың мерзімі бітуге жақын болуы мүмкін.
Осы күйдің көрсетілуінің бірнеше себептері бар, мысалы:

•Ұрлауға қарсы модулі үшін оңтайландыру туралы ескерту – Бұл құрылғы Антиұры үшін оңтайландырылмаған. Мысалы, компьютеріңізде Phantom есептік жазбасы (құрылғыны жоқ ретінде белгілегенде автоматты түрде іске қосылатын қауіпсіздік мүмкіндігі) жасалмауы мүмкін. Phantom есептік жазбасын Антиұры веб-интерфейсіндегі Оңтайландыру мүмкіндігін пайдаланып жасауға болады.

•Көрсетілім режимі белсенді — Көрсетілім режимін қосу ықтимал қауіпсіздік тәуекелі болып табылады. Бұл мүмкіндікті қосу барлық хабарландыру/ескерту терезелерін өшіреді және кез келген жоспарланған тапсырмаларды тоқтатады.

•Жазылымыңыздың мерзімі жақында бітеді/Жазылымыңыздың мерзімі бүгін бітеді — Мұны жүйе құлпы жанында леп белгісі бар қорғау күйінің белгішесі көрсетеді. Жазылымыңыздың мерзімі біткеннен кейін бағдарлама жаңартыла алмайды және қорғау күйі белгішесі қызыл түске айналады.

Ұсынылған шешімдерді пайдаланып мәселені шешу мүмкін болмаса, анықтама файлдарына кіру үшін Анықтама және қолдау опциясын басыңыз немесе ESET білім қорында іздеңіз. Егер әлі де көмек керек болса, қолдау сұрауын жібере аласыз. ESET Техникалық қолдау қызметі сұрақтарыңызға тез жауап береді және шешімді табуға көмектеседі.