Жұмыс үстелінің хабарландырулары

Жұмыс үстелінің хабарландыруы жүйенің тапсырмалар тақтасының жанында кішкентай хабарландыру арқылы көрсетіледі. Әдепкі бойынша, ол 10 секунд бойы көрсетілуге орнатылады, кейін біртіндеп жоғалады. Бұл — ESET Endpoint Antivirus қолданбасының сәтті қолданба жаңартулары, қосылған жаңа құрылғылар, вирусты сканерлеу тапсырмаларының аяқталуы немесе табылған жаңа қауіп туралы пайдаланушыға хабарлайтын жолы.

Жұмыс үстелінің хабарландыруларын көрсету: қолданба жаңа оқиға орын алған кезде хабарлауы үшін, бұл опцияны қосып қоюға кеңес береміз.

Жұмыс үстелі хабарландырулары – белгілі бір Қолданба хабарландыруларын іске қосу не өшіру үшін Өңдеу түймешігін басыңыз.

Ќолданбаларды толыќ экран режимінде іске ќосќан кезде хабарландырулар кљрсетпеу – Ќолданбаларды толыќ экран режимінде іске ќосќан кезде барлыќ интерактивті емес хабарландыруларды љшіріњіз.

Уақытты секундпен көрсету — Хабарландырудың көріну ұзақтығын орнатыңыз. Мән 3-30 секунд аралығында болуы тиіс.

Мөлдірлік – хабарландырудың мөлдірлік пайызын белгілеу. Қолдау көрсетілетін диапазон 0 (мөлдірлік жоқ) мен 80 (өте жоғары мөлдірлік) аралығында болады.

Көрсетілетін оқиғалардың ең төмен толықтығы – бастапқы хабарландырудың маңыздылық деңгейін көрсетіңіз. Ашылмалы мәзірден мына опциялардың бірін таңдаңыз:

• Диагностика – Бағдарламаны және жоғарыдағы барлық жазбаларды дәл реттеу үшін керек ақпаратты журналға тіркейді.
• Ақпараттық – ақпараттық хабарларды, соның ішінде сәтті жаңарту хабарларын, сондай-ақ, барлық жоғарыдағы жазбаларды жазады.
• Ескертулер — Маңызды қателерді және ескерту хабарларын (мысалы, жаңарту сәтсіз аяқталды) жазады.
• Қателер – Қателер (құжатты қорғау басталған жоқ) және маңызды қателер жазылады.
• Маңызды – Тек антивирустық қорғауды немесе вирус жұққан жүйені іске қосатын маңызды қателерді журналға тіркейді.

Көп пайдаланушы бар жүйелерде хабарландыруларды мына пайдаланушының экранында көрсету — таңдалған есептік жазбаға жұмыс үстеліндегі хабарландыруларды алуға мүмкіндік береді. Мысалы, әкімші есептік жазбасын пайдаланбасаңыз, есептік жазбаның толық атауын теріңіз, сонда жұмыс үстелі хабарландырулары белгіленген есептік жазба үшін көрсетілетін болады. Жұмыс үстелінің хабарландыруларын тек бір пайдаланушының есептік жазбасы қабылдай алады.

Хабарландыруларға экран фокусын алуға рұқсат ету – Хабарландырулар экран фокусын алады және Alt+Tab арқылы қолжетімді болады.