Пайдалану шарттары

Осы пайдалану шарттары (әрі қарай «Пайдалану шарттары») – сіз бен ESET, spol. s r.o. компаниясының арасындағы заңды келісім, бұл компания Einsteinova 24, 85101 Bratislava, Slovak Republic мекенжайында, Братиславаның I аудандық сотының Sro бөлімі жүргізетін сауда тізілімінде, № 3586/B жазбасы бойынша мына кәсіпорындық тіркеу нөмірімен тіркелген: 31333532 (бұдан былай «ESET», «біз», «бізді» немесе «біздің») арасында мыналардың шарттары мен талаптары белгіленіп жасалған заңды келісімі болып табылады: (i) ESET Password Manager қолданбасына (бұдан былай «Қолданба» деп аталатын) қатынасу, жүктеп алу, орнату және пайдалану және (ii) ESET компаниясының Қолданбамен байланысты қамтамасыз ететін Қызметтерді (бұдан былай «Қызметтер» деп аталатын) жеткізу.

Өзгертулер

ESET компаниясы осы Пайдалану шарттарын өз қалауынша ара-тұра өзгерте алады. Сізге өзгертулер енгізілген Пайдалану шарттарына сілтеме бар электрондық пошта хабарландыруы жіберіледі немесе өзгертулер енгізілген Пайдалану шарттарының нұсқасы жөнінде сізге тікелей Қолданбада хабарланады. Егер сіз өзгертулер енгізілген Пайдалану шарттарына келіспесеңіз немесе оларды орындай алмасаңыз, Қолданба мен Қызметтер пайдалануын тоқтатуыңыз және оларды жоюыңыз тиіс. Егер жаңа өзгертулер енгізілген нұсқасы күшіне енгеннен кейін, Қолданба мен Қызметтер пайдалануын жалғастырсаңыз, өзгертулер енгізілген Пайдалану шарттарын қабылдаған болып есептелесіз.

БАРЛЫҚ ПАЙДАЛАНУ ШАРТТАРЫН МҰҚИЯТ ОҚЫП ШЫҒЫҢЫЗ

Сіздің Қолданба мен Қызметтерге қатынасу және пайдалану бойынша Келісіміңіз.

Қолданба мен Қызметтерді жүктеп алу немесе пайдалану ешбір ескертпесіз, өзгертусіз, толықтырусыз не жоюсыз Пайдалану шарттары баптарын қабылдағаныңызды және оларға келісетіңізді білдіреді. Егер осы Пайдалану шарттарындағы кез келген бапқа келіспесеңіз, Қолданба мен Қызметтерге қатынасуға не оларды пайдалануға құқылы болмайсыз. Егер осы Пайдалану шарттарының кез келген бабын сақтамасаңыз, ескертумен не онсыз Қолданба мен Қызметтерге қатынасуға тыйым салынуы мүмкін.

1. Тіркелу және пайдалану ауқымы

Қызметтерге қатынасу және Қолданбаны жабдық құрылғыларына (компьютер немесе мобильді құрылғы/смартфон) жүктеп алу тек тіркелген пайдаланушылармен шектеледі.

Сіз шынайы және нақты есептік жазба ақпаратын беруге келісесіз, соның ішінде пайдаланушы атымен, негізгі құпия сөзбен, атыңызбен және жарамды электрондық пошта мекенжайымен шектелмей (бірігіп «Есептік жазба ақпараты» деп аталады). Егер home.eset.com порталы арқылы тіркелсеңіз, Есептік жазба ақпаратының кейбір бөлігін не барлығын беру талап етілмеуі мүмкін.

Сіз Есептік жазба ақпаратын нақты түрде сақтау мақсатында қажетінше жаңартуға келісесіз.

Қолданба арқылы қолжетімді Қызметтер

Егер Қызметтерді пайдалану шешімін қабылдасаңыз, сіздің мына мүмкіндіктерге қатынасыңыз болады:

Қолданба ашық болғанда, ол шолу кезінде құпия сөздерді автоматты түрде анықтайды және оларды Қолданбаға сақтау мақсатында оларды құрылғыда негізгі құпия сөзбен шифрлайды.

Қолданба ашық болған кезде ол кіретін веб-беттерде Қолданбада сақталған онлайн есептік жазбалардың пайдаланушы атын және құпия сөзін автоматты түрде толтырады және сізді автоматты түрде кіргізеді.

Басқа платформаларда және әрбір веб-сайтта жұмыс істейтін Қолданбаны қамтамасыз етуді көздейміз, сондықтан егер платформа немесе веб-сайт танылмаса, бізге https://go.eset.com/supportform мекенжайы бойынша хабарласыңыз және оның платформада немесе веб-сайтта жақын арада қолжетімді болатынын хабарлаймыз.

Қолданбаны жүктеп алу арқылы Қолданба логотипінің — ESET Password Manager логотипінің (жолақ) орнатылатынын және Қолданбаға жылдам қатынасу мақсатында браузерде немесе мобильді құрылғының операциялық жүйесінде пайда болатынын түсінесіз және осыған тікелей келісесіз.

Сандық сәйкестік куәлігін басқару

Қолданба — барлық құпия сөздерді, жазбаларды және пішін толтыру деректерін сақтау арқылы құпия сөздерді, тіркелгі деректерін, жиі кіретін веб-сайттарды және таңдаулы веб-сайттарды сақтау мүмкіндігін беретін сандық сәйкестік куәлігін басқару қызметі. Қолданбада сақтау таңдалған барлық деректер құрылғыда тек сіз білетін негізгі құпия сөзбен шифрланады. Қолданбаны ашып, құрылғыда шифрланған деректер шифрын шешу үшін тек осы негізгі құпия сөзді есте сақтау қажет. Құрылғыда шифрланғаннан кейін, басқа құрылғылармен синхрондалу үшін осындай деректер қорғалған қосылым арқылы Сақтау құралына (2-бапта белгіленгендей) шифрланған пішімде жіберіледі. Қолданба негізгі құпия сөзді ешбір серверде мүлдем сақтамайды, сондықтан құпия сөздеріңізді тек өзіңіз қалпына келтіре аласыз.

2. Тыйым салынған іс-әрекеттер

Қолданба мен Қызметтерді адам өміріне немесе мүлікке қауіп төнетін кез келген маңызды қолданбаны басқару үшін пайдалануға рұқсат етілмейді. Сіз Қолданба мен Қызметтер мұндай мақсаттарға арналмағанын және мұндай жағдайлардағы істен шығу ESET компаниясы жауапты емес өлімге, жарақатқа, я болмаса, мүлікке немесе қоршаған ортаға ауыр зиянға әкелуі мүмкін екенін түсінесіз.

ҚОЛДАНБА МЕН ҚЫЗМЕТТЕР ҮЗДІКСІЗ БАСҚАРУДЫ ТАЛАП ЕТЕТІН ҚАУІПТІ ОРТАЛАРДА, СОНЫҢ ІШІНДЕ, БІРАҚ ОЛАРМЕН ШЕКТЕЛМЕЙ, АТОМДЫҚ ЭЛЕКТР СТАНЦИЯЛАРЫН ЖОБАЛАУ, ҚҰРАСТЫРУ, ОЛАРҒА ТЕХНИКАЛЫҚ ҚЫЗМЕТ КӨРСЕТУ НЕМЕСЕ БАСҚАРУДА, ҰШАҚТАР НАВИГАЦИЯСЫ НЕМЕСЕ БАЙЛАНЫС ЖҮЙЕЛЕРІНДЕ, ӘУЕ ҚОЗҒАЛЫСЫН БАСҚАРУ ЖӘНЕ ӨМІРДІ ҚОЛДАУ НЕМЕСЕ ҚАРУ ЖҮЙЕЛЕРІНДЕ ПАЙДАЛАНУҒА АРНАЛМАҒАН. АТАП АЙТҚАНДА, ESET КОМПАНИЯСЫ МҰНДАЙ МАҚСАТТАРҒА ЖАРАМДЫЛЫҚТЫҢ КЕЗ КЕЛГЕН АШЫҚ НЕМЕСЕ ТҰСПАЛДЫ КЕПІЛДІГІНЕН БАС ТАРТАДЫ.

Қолданба мен Қызметтерді осы Пайдалану шарттарын немесе Словак Республикасының немесе сіздің тұрғылықты құзыретіңіздің заңдарын бұзатын түрде пайдалануға рұқсат етілмейді. Әсіресе Қолданба мен Қызметтерді кез келген заңсыз әрекеттерді өткізу немесе жарнамалау, соның ішінде зиянкес мазмұнның немесе кез келген заңсыз әрекеттер үшін пайдаланылуы мүмкін немесе заңды немесе кез келген үшінші тараптың құқықтарын (соның ішінде зияткерлік меншік құқықтарын) бұзатын мазмұнның деректерін жүктеп салу, соның ішінде, бірақ онымен шектелмей Сақтау құралындағы (осы Пайдалану шарттарының мақсаттарында «Сақтау құралы» сөзі ESET компаниясы немесе ESET компаниясы мен пайдаланушыдан басқа үшінші тарап пайдаланушы деректерін синхрондауды және сақтық көшірмесін жасауды мүмкін ету мақсатында басқаратын деректерді сақтау құралы кеңістігін білдіреді) есептік жазбаларға немесе басқа Қолданба немесе Сақтау құралы пайдаланушыларының кез келген тіркелгілеріне және деректеріне қатынас алудың кез келген әрекеттері үшін пайдалануға болмайды. Егер осы баптардың кез келгенін бұзсаңыз, ESET компаниясы Қолданба мен Қызметтерді пайдалануыңызды дереу тоқтатуға және сізге кез келген қажетті сотта қорғау құралының құнын сізге жатқызуға, сонымен бірге сіздің Қолданба мен Қызметтерді одан әрі пайдалануыңызды (ақшаны қайтару мүмкіндігінсіз) болдырмау үшін кез келген қажетті қадамдарды орындауға құқылы.

Сіз үшінші тараптың мына әрекеттеріне рұқсат не мүмкіндік бермейсіз және осында осыны мәлімдейсіз, кепілдік бересіз және міндеттеме аласыз:

Қолданба мен Қызметтерге Веб-сайттан немесе Қолданбадан басқа құралмен қатынасу немесе қатынасуға әрекеттену немесе Қызметтерді пайдалану үшін автоматтандырылған құралдар (сценарийлер, т.б.) пайдалану немесе

Қолданба мен Қызметтерді мынадай жолмен пайдалану (немесе Қолданбада немесе Қолданба арқылы мынадай жолмен UGC (Пайдалану жасайтын мазмұн) көрсету, жариялау, тарату немесе өзге жолмен қолжетімді ету) (i) заңсыз, бұзушы, зиянды, қорқытушы, қорлаушы, масқаралаушы, жала жабушы, балағаттаушы, әдепсіз, басқа біреудің құпиялылығына қол сұғушы, жаратпаушы, алаяқтық немесе зиянкес; (ii) кез келген вирусты, Троялық атты, құртты, зиянды кодты, тоқтату механизмін немесе ұқсас механизмді жіберуді қамтиды; (iii) сіздің білуіңізше жалған, шатастырушы ақпаратты таратады немесе заңсыз іс-әрекеттерді не амалды қолдайды; (iv) басқа пайдаланушылардан құпия сөздерді немесе жеке басын анықтайтын мәліметтерді коммерциялық немесе заңсыз мақсаттарда сұрайды; (v) Қолданба мен Қызметтерге немесе Қолданба мен Қызметтерді пайдалануға қатысы бар серверге не желіге араласады немесе олардың жұмысын үзеді; (vi) кез келген жергілікті, мемлекеттік немесе басқа қолданылатын заңды не норманы өзге жолмен бұзады.

Санкциялар

ОСЫ ПАЙДАЛАНУ ШАРТТАРЫНДА НАҚТЫ РҰҚСАТ ЕТІЛМЕГЕН ЖОЛМЕН ҚОЛДАНБА МЕН ҚЫЗМЕТТЕРДІ ПАЙДАЛАНУҒА ҚАТАҢ ТҮРДЕ ТЫЙЫМ САЛЫНАДЫ ЖӘНЕ НӘТИЖЕСІНДЕ ESET КОМПАНИЯСЫНЫҢ ҚАЛАУЫМЕН ЕСЕПТІК ЖАЗБАҢЫЗ УАҚЫТША ТОҚТАТЫЛУЫ НЕМЕСЕ КҮШІ ЖОЙЫЛУЫ МҮМКІН.

Байланысу

Қолданбаның және/немесе Қызметтердің теріс пайдалану жайттарын https://go.eset.com/supportform мекенжайына хабарлауға болады

3. Пайдалану кідірістері

Кідірістер

Сіз мыналарды растайсыз: (i) Қолданба мен Қызметтерге қатынасыңыз және пайдалануыңыз күтілмеген не жоспарланбаған іркіліс немесе белгілі бір себептен Қолданба мен Қызметтер бөлігінің не толық қолжетімді болмау ұзақтығына уақытша тоқтатылуы мүмкін, соның ішінде қуаттың өшу, жүйе ақаулықтары немесе басқа кідірістер нәтижесінде және (ii) сондай-ақ сіздің алдыңызда ешбір міндеттемесіз Қолданба мен Қызметтер бөлігіне не толық қатынасты кез келген уақытта уақытша тоқтатуға құқылымыз (а) техникалық қызмет көрсету немесе модификациялар жасау мақсатында жоспарланған іркіліс үшін; (b) Қолданбаға жасалған қызмет көрсетуден бас тарту шабуылы немесе басқа шабуыл орын алған кезде немесе жеке пайымдауымызша Қолданбаға, сізге немесе басқа пайдаланушыларға қатер төндіретін кез келген басқа оқиға орын алған кезде немесе (c) Қолданбаны пайдалануға заңмен тыйым салынғаны анықталған жағдайда немесе бұл әрекеттің заңды немесе нормативтік себептерге байланысты қажеттілігі не ұсынылуы анықталған жағдайда (бірігіп «Пайдалану кідірістері» деп аталатын).

Міндеттемесіз

ESET компаниясының Пайдалану кідірісі нәтижесінде орын алуы мүмкін кез келген зақым, міндеттемелер, жоғалту (соның ішінде деректер не кірістер жоғалту) немесе кез келген басқа салдарлары бойынша міндеттемесі жоқ.

Кідіріс ескертуі

Барынша мүмкіндігінше Пайдалану кідірісіне және уақытша тоқтатылғаннан кейінгі пайдалануды қалпына келтіруге қатысты жаңалықтарды ESET қолдау сайттарында жариялауға тырысамыз, бірақ бұл әрекетті орындау тәртібі немесе орындамау бойынша ешбір міндеттемеміз болмайды.

Жүйе талаптары

Қолданба мен Қызметтерді пайдалануыңызға жабдықтың, бағдарламалық құралдың және Интернетке қатынастың өнімділігі және үйлесімділігі әсер етуі мүмкін. Жүйе талаптарына сай болуға өзіңіз жауаптысыз.

Хостинг

ESET компаниясы техникалық қызмет көрсетуге, сақтық көшірме жасауға және жүйенің қолжетімділігіне қатысты баптарды қоса, бірақ олармен шектелмей осындағы баптарға сай Сервер(лер)дің Интернетке үздіксіз байланысуын қамтамасыз етуге арналған тиісті шараларды қолға алады.

Жүйенің қолжетімділігі

ESET компаниясы қызмет жеткізушісінің SLA келісіміне сәйкес барынша жұмыс істеу қолжетімділігімен Сервер(лер)ге байланыс арқылы Қолданба мен Қызметтерді соңғы пайдаланушыларға тәулігіне 24 сағат бойы және аптасына 7 күн онлайн қолжетімді етуге арналған тиісті коммерциялық шараларды қолға алады.

4. Қауіпсіздік

Жауапкершілігіңіз

Есептік жазбаңыз ақпаратының (соның ішінде негізгі құпия сөздің) құпиялылығын сақтауға және Веб-сайтқа кірген кезде немесе Қолданбаны пайдаланған кезде жабдық құрылғысына қатынасты шектеуге өзіңіз жауапты екеніңізді түсінесіз және оған келісесіз. Есептік жазбаңызбен орын алатын немесе жабдық құрылғысындағы барлық әрекеттерге жауапкершілікті қабылдауға келісесіз.

Есептік жазбаңызға рұқсатсыз қатынастан қорғау мақсатында тиісті қауіпсіздік шараларын қолға алуға тырысамыз. Дегенмен, есептік жазбаңыздың немесе біз жинайтын жеке ақпараттың барынша жоғары қауіпсіздігіне кепілдік бермейміз және қауіпсіздік шараларымыздың үшінші тарап «хакерлерінің» Қолданбаға немесе оның мазмұнына заңсыз қатынасуына жол бермейтініне уәде бермейміз. https://go.eset.com/supportform мекенжайы бойынша есептік жазбаңыздың кез келген рұқсатсыз пайдалануы немесе кез келген басқа қауіпсіздік бұзушылығы жөнінде дереу ESET компаниясына хабарлауға келісесіз және Қолданбаға, Есептік жазбаңыздың ақпаратына және ESET компаниясына берілетін кез келген басқа ақпаратқа рұқсатсыз қатынастың барлық қатерлерін қабылдайсыз және осында осыған қатысты міндеттемеден ESET компаниясын шартсыз түрде босатасыз.

Соңғы пайдаланушы есептік жазбасына қатысты жауапкершіліктен бас тарту және шығындарды өтеу

ESET компаниясы есептік жазбаңыздың рұқсатсыз пайдалануынан туындайтын кез келген шығындар үшін жауапты болмайды және ESET компаниясына, оның еншілес кәсіпорындарына, акционерлеріне, лауазымды тұлғаларына, директорларына, өкілдеріне, қызметкерлеріне, серіктестеріне және/немесе лицензия берушілеріне есептік жазбаңыздың орынсыз, рұқсатсыз немесе заңсыз пайдалануын туындайтын шығындарын өтеуге және жауапкершіліктен босатуға келісесіз.

5. Есептік жазбадан бас тарту және күшін жою

Есептік жазбадан бас тарту

https://go.eset.com/supportform мекенжайына сұрау тапсырып, есептік жазбаңыздан кез келген уақытта бас тарта аласыз немесе қолданба параметрлері ішіндегі опцияны пайдаланыңыз.

ESET компаниясымен күшінің жойылуы

ESET компаниясы осы Пайдалану шарттары бұзылған жағдайда есептік жазбаңыздың күшін дереу жоюы мүмкін.

Жарамдылық мерзімінің аяғы

Барлық өнімдер мен қызметтер соңында тоқтатылады («Жарамдылық мерзімінің аяғы»). Өнім немесе қызмет таратуын және қолдауын тоқтату шешімі бірқатар факторларға байланысты болуы мүмкін, соның ішінде технологиядағы өзгертулер, лицензиялау және қолдау ерекшеліктері, тұтынушы сұранысының төмендеуі және/немесе кеңейтілген мүмкіндіктермен жаңалау өнімнің қолжетімділігі. Қолданбаның және/немесе Қызметтердің тарату мен қолдауын тоқтату алдында есептік жазбасымен байланысты электрондық пошта мекенжайы бойынша пайдаланушыларға электрондық хабар жіберіп және/немесе осындай хабарламаны веб-сайтта жариялап, барлық пайдаланушыларға өнімнің Жарамдылық мерзімінің аяғы жөнінде алдын ала хабарлама жібереміз. Қолданбаны мыналардың қайсысы кейін орын алатынына қарай пайдалана беруге болады: (i) Жарамдылық мерзімінің аяқталу күні немесе (ii) автоматты жаңартылатын жазылымның ағымдағы мерзімінің соңғы күні (Жарамдылық мерзімінің аяғы жөнінде хабарлама жарияланған немесе электрондық пошта арқылы жіберілген күнінде).

Сақталатын міндеттемелер

Сипаты бойынша есептік жазбаңыздың, Қолданба мен Қызметтерді пайдалану мерзімі аяқталған немесе тоқтатылған кезде сақталатын осы Пайдалану шарттарының барлық баптары есептік жазбаңыздың, Қолданба мен Қызметтерді пайдалану мерзімі аяқталған немесе тоқтатылған сәтте күшін сақтайды, соның ішінде зияткерлік меншік талаптарымен, кепілдік жауапкершілігінен бас тартумен, шығындарды өтеумен және міндеттеме шектеулерімен шектелмейді. Қолданба мен Қызметтерге қатынасу мен пайдаланудың тоқтатылуы осындай мерзімнің аяқталуы не тоқтатылуы алдында туындайтын не жиналатын міндеттемелеріңізден босатпайды немесе осында қамтылған шығындарды өтеу міндеттемелерімен шектелмей сіздің ESET компаниясына болуы мүмкін міндеттемені шектемейді.

Жою

Қолданбаны жою үшін оны браузерден жойсаңыз болды.

Қолданбаны жою алдында дерекқордан сақтап қалғыңыз келетін кез келген ақпаратты экспорттау керек.

6. Зияткерлік меншік

Лицензияны беру

ESET компаниясы сізге осы Пайдалану шарттарында белгіленген шарттарға сай Қолданбаға қатынасу және оны пайдалану үшін айрықша емес, табысталмайтын, қайтарып алынатын және мерзімі шектеулі лицензияны («Лицензия») береді. Қолданба мен Қызметтер сізге тек жеке, коммерциялық емес пайдалануға қолжетімді етіледі. Мына әрекеттерге бізден рұқсат алу қажет: (i) Қызметтерді не Қолданбаны толық не бөлігін немесе олармен байланысты кез келген ақпаратты не бағдарламалық құралды сату, тарату, лицензиялау немесе өзге жолмен қолдану немесе (ii) Қолданбаның туынды жұмыстарын толық не бөлігін өзгерту немесе жасау.

Құқықтардың сақталуы

ESET компаниясы Лицензиямен тікелей берілмеген барлық құқықты, меншікті және мүддені қолданылатын заңдарға сай барынша ықтимал деңгейде сақтап қалады. Осы Пайдалану шарттарына сай сізге берілген Лицензияны қосалқы лицензия арқылы беруге, тағайындауға не табыстауға рұқсат етілмейді және осы Пайдалану шарттарына сай құқықтар бөлігін қосалқы лицензия арқылы беру, тағайындау немесе тасымалдау әрекетінің заңды күші болмайды.

Сауда белгілері және авторлық құқық

Қолданба мен Қызметтерде немесе Қолданба мен Қызметтермен байланысты пайдаланылатын барлық сауда белгілері (тіркелген не тіркелмеген), қызмет көрсету белгілері, графикалары және логотиптері (бірігіп «Сауда белгілері» деп аталатын) ESET компаниясының сауда белгілері болып табылады. Сондай-ақ Қолданба үшінші тарап сауда белгілерін, қызмет көрсету белгілерін, графикаларын және логотиптерін (бірігіп «Басқа сауда белгілері» деп аталатын) қамтуы мүмкін. Басқа сауда белгілері тиісті иелердің меншігі болып қалады.

Қолданба арқылы көрсетілетін барлық мазмұн, әрі Қызметтермен байланысты пайдаланылатын барлық бағдарламалық құрал (соның ішінде кез келген бастапқы код) ESET компаниясының немесе үшінші тараптардың айрықша меншігі болып табылады және авторлық құқық заңдарымен қорғалады.

Лицензиясыз

Қолданбада көрсетілген ешбір тұс Қолданба мен Қызметтермен байланысты пайдаланылатын Сауда белгілеріне, Басқа сауда белгілеріне немесе басқа зияткерлік меншікке қатысты кез келген лицензияны, құқықты, меншікті не мүддені (бірігіп «Зияткерлік меншік» деп аталатын) береді деп түсіндірілмейді және Зияткерлік меншік ESET компаниясының немесе тиісті иелерінің айрықша меншігі болып қалады. Осында көрсетілгенді қоспағанда, бізден алдын ала рұқсат алмай кез келген Зияткерлік меншікті көрсетпеуге, көшірмеуге, көбейтпеуге, пайдаланбауға не таратпауға келісесіз. Сондай-ақ Қолданба арқылы қолжетімді етілген кез келген маңызды мазмұнды көрсетпеуге келісесіз.

Иелік

ESET компаниясы Қолданба мен Қызметтерге қатысты жақсартулардың, жаңартулардың және түзетулердің («Жақсартулар») барлық құқықтарына ие, тіпті кез келген мұндай жақсартулар сіз кез келген түрде жіберген пікірлердің, идеялардың немесе ұсыныстардың негізінде жасалса да. Сіз ешбір өтемақыға, соның ішінде, мұндай Жақсартуларға қатысты роялтилерге құқылы болмайсыз.

7. Кепілдік, жауапкершіліктен бас тарту

«ҚАЛПЫНДА» НЕГІЗІ/Кепілдіксіз

ҚОЛДАНБА «ҚАЛПЫНДА» ҚАМТАМАСЫЗ ЕТІЛЕДІ. ЕШБІР ТҮРДЕГІ ЕШБІР КЕПІЛДІК БЕРІЛМЕЙДІ НЕМЕСЕ ТҰСПАЛДАНБАЙДЫ. ҚОЛДАНБАНЫ ЖӘНЕ ҚЫЗМЕТТЕРДІ ӨЗ ҚАЛАУЫҢЫЗБЕН ЖӘНЕ ТӘУЕКЕЛІҢІЗБЕН ЖҮКТЕП АЛАСЫЗ ЖӘНЕ ПАЙДАЛАНАСЫЗ ЖӘНЕ ЖАБДЫҚ ҚҰРЫЛҒЫСЫНА КЕЛТІРІЛГЕН ШЫҒЫНДАР, ДЕРЕКТЕР ЖОҒАЛУЫ НЕМЕСЕ ҚОЛДАНБАНЫ ЖҮКТЕП АЛУ ЖӘНЕ/НЕМЕСЕ ҚЫЗМЕТТЕРДІ ПАЙДАЛАНУ НӘТИЖЕСІНДЕ ОРЫН АЛАТЫН КЕЗ КЕЛГЕН БАСҚА ЖОҒАЛТУ ҮШІН ӨЗІҢІЗ ЖАУАПТЫ БОЛАСЫЗ. ESET КОМПАНИЯСЫ ДЕРЕКТЕРДІҢ ЖОҒАЛУЫНА, ШЫҒЫНДАРҒА, ҚЫЗМЕТТІҢ ҚОЛЖЕТІМДІЛІГІН ШЕКТЕУГЕ, СОНЫҢ ІШІНДЕ, ҚОЛДАНБАМЕН ДЕРЕКТЕРДІ СИНХРОНДАУ ЖӘНЕ САҚТЫҚ КӨШІРМЕСІН ЖАСАУ МАҚСАТЫНДА СЫРТҚЫ ЖАДҚА ЖІБЕРІЛЕТІН ДЕРЕКТЕРГЕ ЖАУАПТЫ ЕМЕС. ҚОЛДАНБАНЫ ПАЙДАЛАНЫП ДЕРЕКТЕРДІ ШИФРЛАУ ESET КОМПАНИЯСЫНЫҢ ОСЫ ДЕРЕКТЕРДІҢ ҚАУІПСІЗДІГІНЕ ҚАТЫСТЫ ЕШБІР ЖАУАПКЕРШІЛІГІН ТҰСПАЛДАМАЙДЫ. СІЗ ҚОЛДАНБАНЫ ПАЙДАЛАНЫП АЛЫНҒАН, ПАЙДАЛАНЫЛҒАН, ШИФРЛАНҒАН, САҚТАЛҒАН, СИНХРОНДАЛҒАН НЕМЕСЕ ЖІБЕРІЛГЕН ДЕРЕКТЕР СОНЫМЕН БІРГЕ ҮШІНШІ ТАРАП СЕРВЕРЛЕРІНДЕ САҚТАЛУЫ МҮМКІН ЕКЕНІМЕН АШЫҚ ТҮРДЕ КЕЛІСЕСІЗ. ESET КОМПАНИЯСЫ ТЕК ӨЗ ТАҢДАУЫМЕН МҰНДАЙ ҮШІНШІ ТАРАП ЖАДЫН, ВЕБ-САЙТТЫ, ВЕБ-ПОРТАЛДЫ, СЕРВЕРДІ НЕМЕСЕ ҚЫЗМЕТТІ ПАЙДАЛАНУДЫ ТАҢДАСА, ESET КОМПАНИЯСЫ МҰНДАЙ ҮШІНШІ ТАРАП ҚЫЗМЕТІНІҢ САПАСЫНА, ҚАУІПСІЗДІГІНЕ НЕМЕСЕ ҚОЛЖЕТІМДІЛІГІНЕ ЖАУАПТЫ ЕМЕС ЖӘНЕ ESET КОМПАНИЯСЫ ҮШІНШІ ТАРАПТЫҢ КЕЛІСІМШАРТ НЕМЕСЕ ЗАҢ БОЙЫНША МІНДЕТТЕМЕЛЕРІН ЕШБІР БҰЗУЫНА, ӘРІ ҚОЛДАНБАНЫ ПАЙДАЛАНУ КЕЗІНДЕГІ ШЫҒЫНДАРҒА, ТАБЫСТАРДЫ ЖОҒАЛТУҒА, ҚАРЖЫЛЫҚ НЕМЕСЕ ҚАРЖЫЛЫҚ ЕМЕС ШЫҒЫНДАРҒА НЕМЕСЕ ЖОҒАЛТУДЫҢ КЕЗ КЕЛГЕН БАСҚА ТҮРІНЕ ЖАУАПТЫ ЕМЕС. ESET КОМПАНИЯСЫ ҚОЛДАНБАНЫ НЕМЕСЕ ЖАДТЫ ПАЙДАЛАНЫП АЛЫНҒАН, ПАЙДАЛАНЫЛҒАН, ШИФРЛАНҒАН, САҚТАЛҒАН, СИНХРОНДАЛҒАН НЕМЕСЕ ЖІБЕРІЛГЕН ДЕРЕКТЕРДІҢ МАЗМҰНЫНА ЖАУАПТЫ ЕМЕС. СІЗ ESET КОМПАНИЯСЫНДА САҚТАЛҒАН ДЕРЕКТЕРДІҢ МАЗМҰНЫНА ҚАТЫНАСЫ ЖОҚ ЕКЕНІН ЖӘНЕ ОНЫ БАҚЫЛАЙ НЕМЕСЕ ЗАҢ БОЙЫНША ЗИЯНДЫ МАЗМҰНДЫ ЖОЯ АЛМАЙТЫНЫН РАСТАЙСЫЗ.

Ақпаратыңыз

ҚОЛДАНБА (СОНЫҢ ІШІНДЕ UGC-ПЕН ШЕКТЕЛМЕЙ) АРҚЫЛЫ КЕЗ КЕЛГЕН АҚПАРАТТЫ ӨЗ ТӘУЕКЕЛІҢІЗБЕН ЖІБЕРЕТІНІҢІЗДІ РАСТАЙСЫЗ. ESET КОМПАНИЯСЫ ОСЫНДАЙ АҚПАРАТҚА ҚАТЫСТЫ КЕЗ КЕЛГЕН ЖОҒАЛТУ НЕМЕСЕ МІНДЕТТЕ БОЙЫНША СІЗГЕ ЖАУАПТЫ БОЛМАЙДЫ.

Үшінші тарап келісімі

ҚОЛДАНБА АРҚЫЛЫ КӨРСЕТІЛЕТІН КЕЙБІР МАЗМҰН ҮШІНШІ ТАРАПТАРҒА (СОНЫҢ ІШІНДЕ UGC, БІРАҚ ОНЫМЕН ШЕКТЕЛМЕЙ) ТИЕСІЛІ НЕМЕСЕ ОЛАР ҚАМТАМАСЫЗ ЕТЕТІН МАТЕРИАЛДАРДЫ ҚАМТУЫ МҮМКІН. ESET КОМПАНИЯСЫНЫҢ ОСЫНДАЙ МАЗМҰН, ӨНІМДЕР ЖӘНЕ/НЕМЕСЕ ҚЫЗМЕТТЕР БОЙЫНША ЕШБІР ЖАУАПКЕРШІЛІК АЛМАЙТЫНЫН РАСТАЙСЫЗ.

Тоқтатылу жауапкершілігінен бас тарту

ESET КОМПАНИЯСЫ АЛДЫН АЛА ЕСКЕРТПЕЙ ҚОЛДАНБА МЕН ҚЫЗМЕТТЕРДІҢ КЕЗ КЕЛГЕН ТҰСЫН НЕ МҮМКІНДІГІН НЕМЕСЕ ҚОЛДАНБА МЕН ҚЫЗМЕТТЕРДІ ПАЙДАЛАНУЫҢЫЗДЫ ӨЗГЕРТЕ, УАҚЫТША ТОҚТАТА НЕ АЛЫП ТАСТАЙ АЛАДЫ. ЕГЕР ESET КОМПАНИЯСЫ ҚОЛДАНБА МЕН ҚЫЗМЕТТЕР БӨЛІГІН НЕ ТОЛЫҚ ӨЗГЕРТУДІ, УАҚЫТША ТОҚТАТУДЫ НЕ АЛЫП ТАСТАУДЫ ҰЙҒАРСА, ОЛ СІЗГЕ НЕ КЕЗ КЕЛГЕН ҮШІНШІ ТАРАПҚА ЖАУАПТЫ БОЛМАЙДЫ.

8. Міндеттеме шектеуі және шығындарды өтеу

Жауапкершілікті шектеу

ҚОЛДАНЫЛАТЫН ЗАҢ БОЙЫНША РҰҚСАТ ЕТІЛГЕН ЕҢ ЖОҒАРЫ ДЕҢГЕЙДЕ, ESET КОМПАНИЯСЫ, ЕНШІЛЕС КӘСІПОРЫНДАРЫ, ДИРЕКТОРЛАРЫ, АКЦИОНЕРЛЕРІ, ӨКІЛДЕРІ, ЛИЦЕНЗИЯ БЕРУШІЛЕРІ ЖӘНЕ ҚЫЗМЕТКЕРЛЕРІ ЕШҚАШАН ЖОҒАЛҒАН ТАБЫСТАР, КІРІСТЕР, САТЫЛЫМДАР, ДЕРЕКТЕР НЕМЕСЕ АЛМАСТЫРУШЫ ЗАТТАРДЫ НЕМЕСЕ ҚЫЗМЕТТЕРДІ ҚАМТАМАСЫЗ ЕТУ ШЫҒЫНДАРЫ, МҮЛІКТІК ШЫҒЫН, ЖАРАҚАТ АЛУ, ЖҰМЫСТЫҢ ТОҚТАУЫ, КОММЕРЦИЯЛЫҚ АҚПАРАТТЫҢ ЖОҒАЛУЫ ҮШІН НЕМЕСЕ КЕЗ КЕЛГЕН АРНАЙЫ, ТІКЕЛЕЙ, ЖАНАМА, КЕЗДЕЙСОҚ, ЭКОНОМИКАЛЫҚ, САҚТАНДЫРУ, АЙЫПТЫҚ НЕМЕСЕ КЕЗДЕЙСОҚ ШЫҒЫНДАР ҮШІН, ҚАНДАЙ СЕБЕПТЕН БОЛСА ДА ЖӘНЕ КЕЛІСІМ-ШАРТҚА БАЙЛАНЫСТЫ БОЛСА ДА, ҚҰҚЫҚ БҰЗУ, СЕЛҚОСТЫҚ НЕМЕСЕ ЖАУАПКЕРШІЛІКТІҢ БАСҚА ӘДІСІ, ҚОЛДАНБАНЫ ПАЙДАЛАНУДАН НЕМЕСЕ ПАЙДАЛАНБАУДАН ТУЫНДАЙТЫН, ESET КОМПАНИЯСЫНА, ЕНШІЛЕС КӘСІПОРЫНДАРЫНА, ДИРЕКТОРЛАРЫНА, АКЦИОНЕРЛЕРІНЕ, ӨКІЛДЕРІНЕ, ЛИЦЕНЗИЯ БЕРУШІЛЕРІНЕ ЖӘНЕ ҚЫЗМЕТКЕРЛЕРІНЕ МҰНДАЙ ШЫҒЫНДАРДЫҢ БОЛУ МҮМКІНДІГІ ТУРАЛЫ ХАБАР БЕРІЛСЕ ДЕ ЖАУАПТЫ БОЛМАЙДЫ.

ҚОЛДАНЫЛАТЫН ЗАҢ БОЙЫНША РҰҚСАТ ЕТІЛГЕН ЕҢ ЖОҒАРЫ ДЕҢГЕЙДЕ, ESET КОМПАНИЯСЫ, ЕНШІЛЕС КӘСІПОРЫНДАРЫ, ДИРЕКТОРЛАРЫ, АКЦИОНЕРЛЕРІ, ӨКІЛДЕРІ, ЛИЦЕНЗИЯ БЕРУШІЛЕРІ ЖӘНЕ ҚЫЗМЕТКЕРЛЕРІ КОММЕРЦИЯЛЫҚ САПАНЫҢ, ТӨЗІМДІЛІКТІҢ, БЕЛГІЛІ БІР МАҚСАТҚА ЖАРАМДЫЛЫҚТЫҢ, МЕНШІК ПЕН ҚҰҚЫҚТАРДЫҢ БҰЗЫЛМАУЫНЫҢ ТҰСПАЛДЫ КЕПІЛДІКТЕРІМЕН НЕ ШАРТТАРЫМЕН ШЕКТЕЛМЕЙ БАРЛЫҚ ТІКЕЛЕЙ НЕ ЖАНАМА МӘЛІМДЕМЕЛЕРДЕН, КЕПІЛДІКТЕРДЕН НЕ ШАРТТАРДАН БАС ТАРТАДЫ. ESET КОМПАНИЯСЫ ҚОЛДАНБА МЕН ҚЫЗМЕТТЕРДІҢ НАҚТЫ, СЕНІМДІ, ЗАМАНАУИ, ҮЗДІКСІЗ, ҚАТЕСІЗ БОЛАТЫНЫ, ЖОҒАЛТУДАН, ЖОЙЫЛУДАН, ЗАҚЫМДАЛУДАН, БҮЛІНУДЕН, ШАБУЫЛДАН, ВИРУСТАРДАН, КЕДЕРГІДЕН, ХАКЕРЛІК ШАБУЫЛДАН ҚОРҒАЛАТЫНЫ, ҚОЛДАНБА МЕН ҚЫЗМЕТТЕРДІ НЕМЕСЕ ҚОЛДАНБА МЕН ҚЫЗМЕТТЕР АРҚЫЛЫ БЕРІЛЕТІН ДЕРЕКТЕРДІ ПАЙДАЛАНА НЕ ҚАТЫНАСА АЛМАУ МҮМКІНДІГІ НЕМЕСЕ БАСҚА ҚАУІПТІ ЕНУДЕН ҚОРҒАЛАТЫНЫ ЖӨНІНДЕ ЕШБІР МӘЛІМДЕМЕ ЖАСАМАЙДЫ НЕ КЕПІЛДІК БЕРМЕЙДІ ЖӘНЕ ESET КОМПАНИЯСЫ ОСЫЛАРҒА ҚАТЫСТЫ МІНДЕТТЕМЕДЕН БАС ТАРТАДЫ.

КЕЙБІР ЕЛДЕРДЕ ЖӘНЕ ЮРИСДИКЦИЯЛАРДА ЖАУАПКЕРШІЛІКТЕН БОСАТУҒА РҰҚСАТ ЕТІЛМЕЙДІ, БІРАҚ ЖАУАПКЕРШІЛІКТІ ШЕКТЕУГЕ РҰҚСАТ ЕТІЛЕДІ, МҰНДАЙ ЖАҒДАЙЛАРДА ESET КОМПАНИЯСЫНЫҢ, ЕНШІЛЕС КӘСІПОРЫНДАРЫНЫҢ, ДИРЕКТОРЛАРЫНЫҢ, АКЦИОНЕРЛЕРІНІҢ, ӨКІЛДЕРІНІҢ, ЛИЦЕНЗИЯ БЕРУШІЛЕРІНІҢ ЖӘНЕ ҚЫЗМЕТКЕРЛЕРІНІҢ ЖАУАПКЕРШІЛІГІ СІЗ ЛИЦЕНЗИЯ ҮШІН ТӨЛЕГЕН СОМАМЕН ШЕКТЕЛЕДІ.

Шығындарды өтеу

(I) ОСЫ ПАЙДАЛАНУ ШАРТТАРЫНЫҢ БҰЗЫЛУЫНАН, (II) СІЗ НЕМЕСЕ ҚОЛДАНБАНЫ ЖӘНЕ/НЕМЕСЕ ҚЫЗМЕТТЕРДІ ПАЙДАЛАНУЫҢЫЗ НӘТИЖЕСІНДЕ ESET КОМПАНИЯСЫНА НЕМЕСЕ ҮШІНШІ ТАРАПҚА КЕЛТІРІЛГЕН КЕЗ КЕЛГЕН ШЫҒЫНДАРДАН НЕМЕСЕ (III) ҚОЛДАНБАНЫ ЖӘНЕ/НЕМЕСЕ ҚЫЗМЕТТЕРДІ ПАЙДАЛАНУЫҢЫЗ НӘТИЖЕСІНДЕ ОСЫНДАЙ ТАРАПТАР ШЕГУІ МҮМКІН КЕЗ КЕЛГЕН ЖӘНЕ БАРЛЫҚ ҮШІНШІ ТАРАП (СОНЫҢ ІШІНДЕ ҚҰРЫЛҒЫ ИЕЛЕРІ НЕМЕСЕ ҚҰҚЫҚТАРЫНА ҚОЛДАНБАДА НЕМЕСЕ ЖАДТА ПАЙДАЛАНЫЛАТЫН ДЕРЕКТЕР ӘСЕР ЕТКЕН ТАРАПТАР) ТАЛАПТАРЫН, МІНДЕТТЕМЕЛЕРІН, ШЫҒЫНДАРЫН, ЖОҒАЛТУЫН, АҚЫЛАРЫН ҚОСА ҚОЛДАНБАНЫ ЖӘНЕ/НЕМЕСЕ ҚЫЗМЕТТЕРДІ ПАЙДАЛАНУЫҢЫЗДАН НЕМЕСЕ ТЕРІС ПАЙДАЛАНУЫҢЫЗДАН ТУЫНДАЙТЫН КЕЗ КЕЛГЕН СОТ ӨНДІРІСІНЕ НЕМЕСЕ ТАЛАПТАРЫНА (СОНЫҢ ІШІНДЕ ТИІСТІ ҚОРҒАУШЫ АҚЫЛАРЫ) ҚАТЫСТЫ ESET КОМПАНИЯСЫНЫҢ, ЕНШІЛЕС КӘСІПОРЫНДАРЫНЫҢ, ДИРЕКТОРЛАРЫНЫҢ, АКЦИОНЕРЛЕРІНІҢ, ӨКІЛДЕРІНІҢ, ЛИЦЕНЗИЯ БЕРУШІЛЕРІНІҢ ЖӘНЕ ҚЫЗМЕТКЕРЛЕРІНІҢ ШЫҒЫНДАРЫН ӨТЕЙСІЗ, ОЛАРДЫ ҚОРҒАЙСЫЗ ЖӘНЕ ЖАУАПКЕРШІЛІКТЕН БОСАТАСЫЗ.

ЕГЕР ОСЫ БАП ТАЛАПТАРЫ БЕЛГІЛІ БІР СЕБЕПТЕН КҮШІН ЖОЙСА НЕМЕСЕ ESET КОМПАНИЯСЫ ҚОЛДАНЫЛАТЫН ЗАҢДАРҒА САЙ ШЫҒЫНДАРҒА, ЗАЛАЛҒА, Т.Б. ЖАУАПТЫ БОЛЫП ЕСЕПТЕЛСЕ, ESET КОМПАНИЯСЫНЫҢ СІЗГЕ МІНДЕТТЕМЕСІ СІЗ ТӨЛЕГЕН ЛИЦЕНЗИЯ АҚЫСЫНЫҢ ЖАЛПЫ МӨЛШЕРІМЕН ШЕКТЕЛЕТІНІНЕ КЕЛІСЕСІЗ.

9. Құпиялылық саясаты

Сондай-ақ Қолданба мен Қызметтерді пайдалануыңыз сілтеме бойынша енгізілген және осы Пайдалану шарттарының бөлігін құрайтын ESET компаниясының Құпиялылық саясатына («Құпиялылық саясаты») бағынады. Мыналардың шарттарын оқып шығу және түсініп алу маңызды ҚҰПИЯЛЫЛЫҚ САЯСАТЫ.

10. Қолданба және/немесе Қызметтер ішіндегі деректер

Қолданба дерекқорына сақталып, сіз енгізетін барлық деректер компьютерде немесе сіз белгілеген басқа сақтау құрылғысында шифрланған пішімде сақталады. Сіз Қолданбаның кез келген дерекқоры немесе басқа файлдар жойылған немесе зақымдалған жағдайда онда қамтылған барлық деректер қалпына келтіру мүмкіндігінсіз жоғалатынын, әрі сіз мұндай жоғалту қаупін түсінесіз және қабылдайсыз. Жеке деректеріңіздің компьютерде шифрланған пішімде сақталуы негізгі құпиясөзді тауып алған немесе дерекқорды ашуға арналған тұтынушы анықтаған белсендіру құрылғысына қатынас алған бір адам бұл ақпаратты ұрлай немесе дұрыс емес пайдалана алмайтынын білдірмейді. Сіз барлық қол жеткізу әдістерінің қауіпсіздігін сақтауға жауаптысыз.

Жеке деректерді ESET жүйесіне немесе Жадқа тасымалдау

Деректерді уақтылы синхрондау және сақтық көшірмесін жасау мақсатында Қолданба өзінің дерекқорындағы жеке деректерді, атап айтқанда, құпия сөздерді, логин ақпаратын, есептік жазбаларды және сәйкестік куәліктерін Интернет арқылы Жадқа тасымалдайды немесе жібереді. Деректер тек шифрланған түрде тасымалданады. Қолданбаны құпия сөздер, логиндер немесе басқа деректер бар онлайн пішіндерді толтыру үшін пайдалану ақпараттың сіз анықтаған веб-сайтқа Интернет арқылы жіберілуін талап етуі мүмкін. Бұл деректерді тасымалдауды Қолданба бастамайды, сондықтан, ESET компаниясы әр түрлі жеткізушілер қолдау көрсететін кез келген веб-сайтпен осындай өзара әрекеттесулердің қауіпсіздігіне жауапты болмайды. Қолданбаға байланысты немесе байланысты емес Интернет арқылы жасалатын кез келген транзакциялар өз таңдауыңыз және тәуекеліңіз бойынша жасалады, әрі сіз кез келген осындай материалды немесе қызметті жүктеп алу және/немесе пайдалану нәтижесіндегі компьютер жүйеңізге келтірілген кез келген зақымға немесе деректердің жоғалуына тек өзіңіз жауапты боласыз. Құнды деректерді жоғалту қаупін барынша азайту үшін ESET компаниясы тұтынушыларға дерекқордың және басқа маңызды файлдардың сақтық көшірмесін сыртқы дискілерге кезеңді түрде жасап тұруды ұсынады. ESET компаниясы сізге жоғалған немесе зақымдалған деректерді қалпына келтіруде ешбір көмек көрсете алмайды. Егер ESET компаниясы пайдаланушылардың дербес компьютерлерінде файлдардың зақымдалуы немесе жойылуы жағдайында пайдаланушы дерекқоры файлдары үшін сақтық көшірме жасау қызметтерін қамтамасыз етсе, мұндай сақтық көшірме жасау қызметіне ешбір кепілдік берілмейді және ESET компаниясының сізге қандай да жауапкершілігін тұспалдамайды.

Интернеттегі шолу әрекетіңізді Қолданба ешбір жолмен БАҚЫЛАМАЙДЫ. Осыған байланысты Қолданба Сіз кірген сайттар туралы ақпаратты немесе шолу тарихы туралы ақпаратты ЖИНАМАЙДЫ не басқа ұйымға ЖІБЕРМЕЙДІ. Қолданбаның кейбір нұсқалары GUI ішіндегі арнаулы құралмен жіберу арқылы сіз, пайдаланушы ESET компаниясының назарын аудартатын веб-сайттар мен бағдарламалардың пайдаланушы анықтауына қолдау көрсетуі мүмкін; ешбір осындай ақпарат веб-сайт немесе бағдарлама атауын жіберу рұқсатыңызды білдіретін басып өту растауынсыз жіберілмейді. Осындай жіберілетін ақпарат әдетте Қолданба функционалдылығын жақсарту үшін пайдаланылады.

Қолданбаны пайдалану арқылы сіз қолданба лицензия туралы ақпаратты, қол жетімді түзетулерді, жаңарту бумаларын және Қолданба жұмысын жақсарта, сақтай, өзгерте алатын басқа жаңартуларды тексеру үшін ара-тұра ESET серверлеріне байланыса алатынымен келісесіз. Қолданба өзінің жұмысына қатысты жалпы жүйелік ақпаратты жіберуі мүмкін.

11. Жиынтық деректерді пайдалану

Біз және еншілес кәсіпорындарымыз Өнімдеріміз бен Қызметтерімізді жақсарту және Өнімдеріміз бен Қызметтеріміз туралы хабарлау мақсатында есептік жазбаңыз туралы деректерді, сауалнамаларға жауап ретінде бізге берілетін деректерді және пікір ретінде берілетін, анонимді етілетін және сіз не басқа пайдаланушының жеке басы анықталмайтындай етіп басқа пайдаланушылар туралы деректермен біріктірілген деректерді пайдалана аламыз.

12. Жалпы

Серіктестіксіз

Осы Пайдалану шарттарының нәтижесінде сіз және ESET компаниясы арасында ешбір ұйым, серіктестік, бірлескен кәсіпорын не жұмыс орны құрылмайды және сізде ESET компаниясын міндеттеуге өкілеттік жоқ.

Реттейтін заңнама

Осы Пайдалану шарттары Словак Республикасының заңдарына сәйкес реттеледі және түсіндіріледі. Сіз және ESET компаниясы заңдар коллизиясының және Біріккен Ұлттар Ұйымының Халықаралық Тауарлар Саудасына арналған Келісім-шарттар туралы Конвенциясының ережелерінің қолданылмайтынына келіседі. Осы Пайдалану шарттарынан туындайтын ESET компаниясына қатысты кез келген даулы мәселелер немесе шағымдар немесе Қолданба мен Қызметтерді пайдалануға қатысты даулы мәселелер немесе шағымдар Словак Республикасы Братиславаның I-аудандық соты арқылы реттелетініне толығымен келісесіз және юрисдикция жүргізетін айтылған сотқа келісесіз.

Мемлекеттік органдарға және АҚШ үкіметіне лицензия беру

Қолданба мемлекеттік органдарға, соның ішінде Америка Құрама Штаттарының үкіметіне осы Пайдалану шарттарында сипатталған лицензиялық құқықтар мен шектеулер бойынша беріледі.

Экспорттауды және қайта экспорттауды бақылау

Қолданба, Құжаттама немесе оның компоненттері, соның ішінде Бағдарламалық құрал мен оның компоненттері туралы ақпарат үшін АҚШ экспорттауды басқару ережелерін қоса алғанда тиісті қолданылатын заң бойынша тиісті үкіметтер шығаратын заңдық ережелер бойынша импорттау және экспорттауға қатысты бақылаулар қолданылады. Экспорттық бақылау ережелері және соңғы пайдаланушы, соңғы пайдалану және жеткізілетін аймаққа қатысты шектеулер, АҚШ үкіметі және басқа үкіметтер тарабынан шығарылған. Сіз барлық қолданыстағы импорттау және экспорттау ережелерін толығымен орындауға және Бағдарламалық құралды экспорттау, қайта экспорттау, беру немесе импорттау үшін қажет барлық лицензияларды алу жауапкершілігін растауға келісесіз.

Бөлінуі

Егер Пайдалану шарттарының баптары немесе қолданба қолданылатын заңнамалық акт, ереже не заң бойынша жарамсыз танылса, олар осылардың шегінде алынып тасталған болып есептеледі және Пайдалану шарттарының басқа баптарының жарамдылығы өзгеріссіз қалады.

Сұрақтар

Егер Пайдалану шарттарына қатысты сұрақтарыңыз болса немесе Қолданбаға, оның мазмұнына немесе Қызметтерге қатысты кез келген мәселені хабарлағыңыз келсе, бізге https://go.eset.com/supportform мекенжайы бойынша хабарласыңыз

Тіл

Осы Пайдалану шарттары және Құпиялылық саясаты ағылшын тілінде жасақталған және/немесе басқа тілге аудару ESET компаниясының қалауымен жүзеге асады.

13. Төлем

Қолданба және/немесе Қызметтер пайдалануын таңдалған мерзім ұзақтығына таңдауға және қолданылатын төлем жиілігін таңдауға болады. ESET компаниясы кез келген уақытта және алдын ала ескертусіз бағалардағы немесе басқа қатысы бар ақпараттағы кез келген қателерді түзету және бағаларды өзгерту құқығын сақтап қалады.

14. Автоматты жаңарту

Жарамдылық мерзімі. Ертерек тоқтатылмаса, Пайдалану шарттары Құжаттамада белгіленген жазылым мерзіміне дейін күшін сақтайды. Егер ешбір мерзім келісілмесе, әдепкі мерзімі Лицензия сатып алынған күннен бастап бір жыл немесе ESET компаниясының шешімімен қамтамасыз етілетін басқа мерзім болады.

Жаңарту хабарламалары. Заңнама талап ететін деңгейде мерзіміңіз аяқталуға жақын болған кезде жазылған кезде берілген электрондық пошта мекенжайына хабарлама жіберіледі. Егер бір жылдық не одан жоғары жазылымыңызды автоматты түрде жаңартсаңыз, жаңарту үшін төленуі тиіс ақы жөнінде хабарланады және жазылымыңыздың жаңартылғаны расталады.

Автоматты жаңарту және оның әсерлері. Егер сіз бізге жарамды кредиттік карта нөмірін немесе баламалы төлем әдісін берген болсаңыз, әрбір мерзімі аяқталған кезде сізден автоматты түрде ақы алынады және жазылымыңыз басқа мерзімге жаңартылады. Ақы промо-акция және шегерім бағаларын қоспағанда ағымдағы бағасынан аспайды. Жаңарту кезінде өзге көрсетілмесе, жаңа мерзімнің ұзақтығы аяқталған мерзімімен бірдей болады. Сізге есептік жазбаңыздың күйі және жергілікті заңнамаға сәйкес жазылымыңыздың шарттары мен талаптарына енгізілген өзгертулер жөнінде хабарланады.

15. Техникалық қолдау

ESET немесе ESET тарабынан тағайындалған үшінші тараптар өз қалауымен ешқандай кепілдіксіз немесе мәлімдемесіз Қолданбаға техникалық қолдау көрсетеді. Техникалық қолдау көрсетуден бұрын Сіз бар деректердің, бағдарламалық құралдың және бағдарлама құрылғыларының сақтық көшірмесін жасауыңыз тиіс. ESET және/немесе ESET тарабынан тағайындалған үшінші тараптар Қолданбаға техникалық қолдау көрсетуге байланысты деректердің, мүліктің, бағдарламалық құралдың немесе жабдықтың зақымдалғаны не жоғалғаны немесе кіріс жоғалтқаны үшін жауапкершілікті қабылдамайды. ESET немесе ESET тарабынан тағайындалған үшінші тараптар проблеманы шешудің техникалық қолдауға кірмейтіндігі туралы шешім қабылдау құқығын сақтап қалады. ESET өз шешімімен техникалық қолдау көрсетуден бас тарту, оны уақытша тоқтату немесе тоқтату құқығын сақтап қалады.

16. Ескертулер

Барлық ескертулерді мына мекенжайға жеткізу керек: ESET, spol. s r.o., Einsteinova 24, 851 01 Bratislava, Slovak Republic.

˄˅