Брандмауэр ережелерін қосу не өңдеу

Брандмауэр ережелерін түзету немесе қосу ереже әсер еткен қолданбаның дұрыс жұмыс істеуін қамтамасыз ету үшін желі параметрлері өзгергенде (мысалы, қашықтағы жаққа арналған желі мекенжайы немесе порт нөмірі өзгергенде) талап етілуі мүмкін.

Терезенің жоғарғы бөлігінде үш қойынды бар:

•Жалпы – ереже атауын, қосылым бағытын, әрекетті (Рұқсат ету, Тыйым салу, Сұрау), протоколды және ереже қолданылатын профильді көрсетіңіз.

•Жергілікті – Қосылымның жергілікті тарапы туралы ақпаратты, соның ішінде, жергілікті порттың нөмірін немесе порт ауқымын және байланысып жатқан қолданбаның атауын көрсетеді. Қосу түймешігін басу арқылы IP мекенжайларының ауқымын қамтитын алдын ала анықталған немесе жасалған аймақты қосуға мүмкіндік береді.

•Қашықтағы – Бұл қойындыда қашықтағы порт (порт ауқымы) туралы ақпарат бар. Ол сізге берілген ереже үшін қашықтағы IP мекенжайларының немесе аймақтардың тізімін анықтауға мүмкіндік береді. Қосу түймешігін басу арқылы IP мекенжайларының ауқымын қамтитын алдын ала анықталған немесе жасалған аймақты қосуға мүмкіндік береді.

Жаңа ережені жасап жатқанда ереже атауын Аты өрісіне енгізуіңіз керек. Ереже қолданылатын бағытты Бағыт ашылмалы мәзірінен және байланыс ережеге сай болғанда орындалатын әрекетті Әрекет ашылмалы мәзірінен таңдаңыз.

Протокол ережеге тасымалдау протоколын береді. Ашылмалы мәзірдегі нақты ереже үшін пайдаланылатын протоколды таңдаңыз.

ICMP түрі/коды санмен анықталған ICMP хабарын білдіреді (мысалы; 0 «Echo Reply» дегенді білдіреді).

Әдепкі бойынша, Кез келген профиль үшін барлық ережелер қосылған. Я болмаса, Профильдер ашылмалы мәзірін пайдаланып теңшелетін брандмауэр профилін таңдаңыз.

Журнал жүргізу қатаңдығы параметрін қоссаңыз, ережемен байланысты әрекет журналға жазылады. Пайдаланушыға хабарлау ереже қолданылған кездегі хабарландыруды көрсетеді.