Жаңарту

ESET Endpoint Security бағдарламасын тұрақты түрде жаңарту – компьютерде қауіпсіздіктің ең жоғары деңгейін тексерудің ең жақсы әдісі. Жаңарту модулі бағдарлама модульдерінің де, жүйе құрамдастарының да әрдайым жаңартылған күйде болуын қамтамасыз етеді.

Негізгі бағдарлама терезесінде Жаңарту командасын таңдау арқылы ағымдағы жаңарту күйін, соның ішінде соңғы сәтті жаңартудың күні мен уақытын көруге және жаңарту керектігін не керек еместігін анықтауға болады.

Автоматты жаңартулармен қоса қолмен жаңартуды іске қосу үшін Жаңартуларды тексеру түймешігін басуға болады. Бағдарлама модульдері мен құрамдастарын жүйелі түрде жаңартып тұру зиянды кодтан толық қорғауды сақтаудың маңызды тұсы болып табылады. Өнім модульдерінің конфигурациясына және жұмысына назар аударыңыз. Жаңартуларды алу үшін лицензиялық кілтпен өнімді белсендіру керек. Егер орнату кезінде мұны істемеген болсаңыз, ESET жаңарту серверлеріне қатынасу үшін ESET Endpoint Security өнімін белсендіруіңіз қажет болады. Лицензиялық кілт ESET Endpoint Security қолданбасын сатып алғаннан кейін сізге ESET компаниясының электрондық хабарында жіберілді.

Егер ESET Endpoint Security қолданбасын пайдаланушы атынсыз және құпия сөзсіз оффлайн лицензия файлымен белсендірсеңіз және жаңартуға әрекеттенсеңіз, Модульдерді жаңарту сәтсіз аяқталды қызыл ақпараты жаңартуларды тек айнадан жүктеп алуға болатынын білдіреді.

Ағымдағы нұсқа – ESET Endpoint Security жинағының нөмірі.

Соңғы сәтті жаңарту — Соңғы сәтті жаңарту күні мен уақыты. Оның соңғы күнді көрсететінін тексеріңіз, яғни, анықтау механизмі жаңа екенін тексеріңіз.

Жаңартулар бар-жоғын соңғы сәтті тексеру — Модульдерді жаңартудың соңғы сәтті әрекетінің күні мен уақыты.

Барлық модульдерді көрсету – Орнатылған модульдердің тізімін ашу және модульдің нұсқасы мен соңғы жаңартуын тексеру үшін осы сілтемені басыңыз.

Жаңарту үрдісі

Жаңартулар бар-жоғын тексеру пәрменін басқаннан кейін жүктеп алу процесі басталады. Жүктеудің орындалу жолағы мен жүктеуге дейін қалған уақыт көрсетіледі. Жаңартуды үзу үшін Жаңартудан бас тарту түймесін басыңыз.

Сәтсіз жаңарту

Анықтау механизмі ескірген — Бұл қате модульдерді жаңартуға бірнеше сәтсіз әрекет жасалғаннан кейін шығады. Жаңарту параметрлерін тексеру ұсынылады. Бұл қатенің ең жиі себебі – дұрыс емес енгізілген аутентификациялау деректері немесе қате конфигурацияланған қосылым параметрлері.

Алдыңғы хабарландыру сәтсіз жаңартулар туралы мына екі Модульдерді жаңарту орындалмады хабарына қатысты:

1. Жарамсыз лицензия — Сіздің лицензияңыз белсенді емес. Аутентификациялау деректерін тексеру ұсынылады. Жаңа лицензиялық кілтті енгізу үшін негізгі мәзірде Анықтама және қолдау > Лицензияны өзгерту тармағын басыңыз.

2. Жаңарту файлдарын жүктеу кезінде қате орын алды – Қатенің ықтимал себебі – дұрыс емес интернетке қосылым параметрлері. Интернетке қосылу мүмкіндігін (веб-браузердегі кез келген веб-торапты ашу арқылы) тексеру ұсынылады. Егер веб-торап ашылмаса, Интернет қосылымы орнатылмаған болуы немесе компьютермен байланыс мәселелері бар болуы мүмкін. Интернет қызметі провайдерінен (ISP) белсенді интернет қосылымының бар екеніне көз жеткізіңіз.