Қайта бағыттау

Егер таңдалған толықтылық деңгейімен оқиға орын алса, ESET Endpoint Antivirus хабарландыру электрондық хабарларын автоматты түрде жібере алады. Электрондық пошта хабарландыруларын белсендіру үшін Кеңейтілген орнату > Хабарландырулар > Хабарландырулар > Электрондық поштаға қайта жіберу бөлімін ашып, Хабарландыруды электрондық поштаға қайта бағыттау опциясын іске қосыңыз.

Қайта жіберілген хабарландырулар – Электрондық поштаға қай жұмыс үстелі хабарландырулары қайта жіберілетінін таңдаңыз.

SMTP сервері

SMTP сервері – хабарландырулар жіберу үшін пайдаланылатын SMTP сервері (мысалы, smtp.provider.com:587, алдын ала анықталған порт — 25).

Пайдаланушы аты және Құпия сөз – егер SMTP сервері аутентификацияны қажет етсе, бұл өрістерге SMTP серверіне қатынасу мүмкіндігін беретін дұрыс пайдаланушы аты мен құпия сөз енгізілуі керек.

Жіберушінің мекенжайы – Бұл өріс хабарландыру электрондық хабарларының тақырыбында көрсетілетін жіберушінің мекенжайын көрсетеді.

Алушы мекенжайлары – бұл өріс хабарландыру электрондық хабарларының тақырыбында көрсетілетін алушы мекенжайларын көрсетеді. Бірнеше электрондық пошта мекенжайын бөлу үшін нүктелі үтірді «;» пайдаланыңыз.

TLS қосу – TLS шифрлау қолдау көрсететін ескерту және хабарландыру хабарларын жіберуді қосу.

Электрондық пошта параметрлері

Хабарландыруларға арналған ең аз мәлімет ашылмалы мәзірінен жіберілетін хабарландырулардың бастапқы маңыздылық деңгейін таңдауға болады.

• Диагностика – Бағдарламаны және жоғарыдағы барлық жазбаларды дәл реттеу үшін керек ақпаратты журналға тіркейді.
• Ақпараттық – ақпараттық хабарларды, соның ішінде сәтті жаңарту хабарларын, сондай-ақ, барлық жоғарыдағы жазбаларды жазады.
• Ескертулер – маңызды қателерді және ескерту хабарларын жазады (Antistealth дұрыс жұмыс істеп жатқан жоқ немесе жаңарту сәтсіз аяқталды).
• Қателер – Қателер (құжатты қорғау басталған жоқ) және маңызды қателер жазылады.
• Маңызды – Тек антивирустық қорғауды немесе вирус жұққан жүйені іске қосатын маңызды қателерді журналға тіркейді.

Әр хабарландыруды бөлек электрондық хабарда жіберу – қосылған болса, алушы әр жеке хабарландыру үшін жаңа электрондық хабар алады. Бұл қысқа уақыт кезеңінде электрондық хабарлардың көп санын алуға әкелуі мүмкін.

Жаңа хабарландыру электрондық хабарлары жіберілетін аралық (мин) – өткеннен кейін жаңа хабарландырулар электрондық поштаға жіберілетін минуттар түріндегі аралық. Бұл мәнді 0 деп орнатсаңыз, хабарландырулар бірден жіберіледі.

Хабар пішімі

Бағдарлама мен қашықтағы пайдаланушы немесе жүйе әкімшісі арасындағы байланыстар электрондық хабарлар немесе жергілікті желі хабарлары арқылы жүзеге асырылады (Windows хабар алмасу қызметінің көмегімен). Екерту хабарлары мен хабарландырулардың әдепкі пішімі басым көп жағдайларға оңтайлы болады. Кейбір жағдайларда оқиға туралы хабарлардың хабар пішімін өзгертуді қажет етуіңіз мүмкін.

Оқиға туралы хабарлардың пішімі – қашықтағы компьютерлерде көрсетілген оқиға туралы хабарлардың пішімі.

Қауіп туралы ескерту хабарларының пішімі – қауіп туралы ескерту және хабарландыру хабарларында алдын ала анықталған әдепкі пішім бар. Бұл пішімді өзгертпеуге кеңес беріледі. Дегенмен, кейбір жағдайларда (мысалы, сізде автоматты электрондық поштаны өңдеу жүйесі болғанда), хабар пішімін өзгерту қажет болуы мүмкін.

Таңбалар жинағы — Windows жүйесінің Аймақтық параметрлері негізінде электрондық хабарды ANSI таңбалар кодтауына түрлендіреді (мысалы, windows-1250, Unicode (UTF-8), ACSII 7-bit немесе Жапон (ISO-2022-JP)). Нәтижесінде "á" таңбасы "a" таңбасына және белгісіз таңба "?" таңбасына өзгертіледі.

Quoted-printable кодтауын пайдалану – электрондық пошта хабарының көзі ASCII таңбаларын пайдаланатын Quoted-printable (QP) пішіміне кодталып және электрондық поштамен арнайы халықаралық таңбаларды 8 битті пішімде (áéíóú) дұрыс жібере алады.

Хабардағы кілтсөздер (жолдар % таңбаларымен бөлінген) көрсетілген нақты ақпаратпен алмастырылады. Келесі кілтсөздер қолжетімді:

• %TimeStamp%— Оқиға күні мен уақыты.
• %Scanner%— Қатысты модуль
• %ComputerName%— Ескерту орын алған компьютердің аты.
• %ProgramName%— Ескертуді тудырған бағдарлама.
• %InfectedObject%— Вирус жұққан файлдың, хабардың, т.с.с. атауы
• %VirusName%— Жұққан зиянды элементтің атауы.
• %Action% – Инфильтрацияға қатысты орындалатын әрекет
• %ErrorDescription% – Вирустық емес оқиғаның сипаттамасы

%InfectedObject% and %VirusName% кілт сөздері тек қауіп туралы ескерту хабарларында, ал %ErrorDescription% тек оқиға хабарларында пайдаланылады.