Windows хабарландыру аймағының белгішесі

Windows хабарландыру аймағындағы белгішесі тінтуірдің оң жақ түймесімен басылса, кейбір ең маңызды орнату опциясы мен мүмкіндігі ашылады.

Қорғауды кідірту — Анықтау механизмін өшіретін растау диалогтық терезесін көрсетеді, ол файл, веб және электрондық пошта байланысын басқару арқылы зиянды жүйе шабуылдарынан қорғайды. Уақыт аралығы ашылмалы мәзірі сізге қорғау функциясын қанша уақытқа өшіруге болатынын көрсетуге мүмкіндік береді.

Брандмауэрды кідірту (бүкіл трафикке рұқсат ету) - брандмауэрды белсенді емес күйге ауыстырады. Қосымша ақпаратты Желі бөлімінен қараңыз.

Бүкіл желілік трафикті блоктау — бүкіл желілік трафикті блоктайды. Оны Бүкіл желілік трафикті блоктауды тоқтату түймесін басу арқылы қайта қосуға болады.

Кеңейтілген баптау – ESET Smart Security Premium "Кеңейтілген баптау" терезесін ашады. Негізгі өнім терезесінен "Кеңейтілген баптау" бетін ашу үшін пернетақтада F5 пернесін басыңыз немесе Баптау > Кеңейтілген баптау тармағын басыңыз.

Журнал файлдары — Журнал файлдары орын алған маңызды бағдарлама оқиғалары туралы ақпаратты қамтиды және анықталған элементтер шолуын қамтамасыз етеді.

ESET Smart Security Premium Ашу – ESET Smart Security Premium бағдарламасының негізгі бағдарлама терезесін ашады.

Терезенің орналасуын қалпына келтіру – ESET Smart Security Premium бағдарламасының терезесін экранда әдепкі өлшеміне және орнына қалпына келтіреді.

Түс режимі – ГПИ түсін өзгертуге болатын Пайдаланушы интерфейсінің параметрлері терезесін ашады.

Жаңартуларды тексеру – Сіздің қорғаныста болғаныңызды қамтамасыз ету үшін модульді немесе өнімді жаңартуды бастаңыз. ESET Smart Security Premium өнімі жаңартуларды автоматты түрде күніне бірнеше рет тексереді.

Туралы – Жүйе туралы ақпаратты, орнатылған ESET Smart Security Premium нұсқасы және орнатылған бағдарлама модульдері және операциялық жүйе мен жүйе ресурстары туралы мәліметтерді береді.