ЖҚС

ESET SysInspector Іске қосу үшін әкімші артықшылықтарын талап етеді ме?

ESET SysInspector Іске қосылу үшін әкімшілік артықшылықтарды қажет етпегенімен, жинақтардағы кейбір деректерге тек әкімші есептк жазбасынан кіруге болады. Оны стандартты пайдаланушы немесе шектеулі пайдаланушы ретінде іске қосу операциялық орта туралы аз ақпарат жинауға алып келеді.

ESET SysInspector Журнал файлын жасай ма?

ESET SysInspector бағдарламасы компьютер конфигурациясының журнал файлын жасай алады. Сақтау үшін негізгі бағдарлама терезесінде Басты > Файлды сақтау тармағын таңдаңыз. Журналдар XML пішімінде сақталады. Әдепкі мәні бойынша, файлдар %USERPROFILE%\Менің құжаттарым\ каталогында "sysInspector_DD-MM-YYYY_HH-MM-SS.esil" файл атауымен сақталады. Қаласаңыз, тіркеу файлының орны мен атын сақтаудан бұрын басқаша етіп өзгерте аласыз.

ESET SysInspector Журнал файлын қалай көруге болады?

ESET SysInspector жасаған журнал файлын көру үшін бағдарламаны іске қосып, бағдарламаның негізгі терезесінде Файл > Файлды ашу тармағын таңдаңыз. Егер ESET SysInspector журнал файлдарын жиі көру керек болса, жұмыс үстелінде SYSINSPECTOR.EXE файлына тіркесімді жасау ұсынылады; журнал файлдарын көру үшін соған апарып тастауға болады.

Тіркеу файлы пішімінің сипаттамасы бар ма? SDK ше?

Қазіргі уақытта тіркеу файлы үшін де, SDK бумасы үшін де сипаттама жоқ, өйткені бағдарлама әлі әзірленуде. Бағдарлама шығарылғаннан кейін, біз оларды тұтынушылардың кері байланысына және талаптарына қарай қамтамасыз ете аламыз.

ESET SysInspector Нақты нысан тудыратын қауіпті қалай бағалайды?

Көп жағдайларда, ESET SysInspector әр нысанның сипаттамасын тексеріп, зиянды әрекет ықтималдылығын бағалайтын бірқатар эвристикалық ережелерді пайдаланып, нысандарға (файлдар, үрдістер, тіркелім пернесі және т.с.с.) қауіп деңгейлерін тағайындайды. Осы эвристикаға сүйене отырып, нысандарға 1 - Жақсы (жасыл) – 9 - Қауіпті (қызыл) аралығындағы қауіп деңгейі тағайындалады. Сол жақтағы шарлау аумағында, бөлімдер ішіндегі нысанның ең жоғары қауіп деңгейіне қарай боялады.

«6 - белгісіз (қызыл)» қауіп деңгейі нысан қауіпті екенін білдіреді ме?

ESET SysInspector бағалары нысанның зиянды екеніне кепілдік бермейді, бұл шешімді қауіпсіздік сарапшысы қабылдауы керек. ESET SysInspector Бағдарламасының арнаулы мақсаты — қауіпсіздік жөніндегі сарапшылар жүйедегі қандай нысандарда әдеттен тыс әрекеттер бар-жоғын тексеру керек екенін білуі үшін оларға жылдам бағалау есебін ұсыну.

Іске қосқанда ESET SysInspector неліктен интернетке қосылады?

Көптеген бағдарламалар секілді, ESET SysInspector бағдарламасына «ESET» компаниясы шығарғанына және өзгертілмегеніне көз жеткізу үшін сандық қолтаңба – «куәлік» қолы қойылған. Куәлікті тексеру үшін операциялық жүйе бағдарламаны шығарушының мәліметтерін тексеруге куәлік орталығына хабарласады. Бұл Microsoft Windows жүйесіндегі барлық сандық қолтаңба қойылған бағдарламалардың қалыпты әрекеттері.

Ұрлыққа қарсы технология дегеніміз не?

Ұрлыққа қарсы технология руткитті тиімді табумен қамтамасыз етеді.

Егер жүйеге руткит секілді әрекет ететін зиянды код шабуыл жасаса, пайдаланушыға деректерді жоғалуы немесе ұрлануы қаупі туады. Руткитке қарсы арнайы құралсыз руткиттерді табу мүмкін емес дерлік.

Неліктен басқаша «Компания атауы» жазбасы бар файлдар кейде «Microsoft қол қойған» деп белгіленеді?

Орындалатын файлдың сандық қолтаңбасын анықтауға әрекет жасағанда, ESET SysInspector алдымен файлға енгізілген сандық қолтаңба бар-жоқтығын тексереді. Егер сандық қолтаңба табылса, онда файл осы ақпараттың көмегімен тексеріледі. Файлда сандық қолтаңба табылмаса, «ESI» өңделген орындалатын файл туралы ақпаратты қамтитын сәйкес «CAT» файлды («Қауіпсіздік каталогы» - %systemroot%\system32\catroot) іздей бастайды. Тиісті CAT файлы табылған жағдайда, орындалатын файлды тексеру үрдісінде аталған CAT файлдың сандық қолтаңбасы қолданылады.

«Microsoft қол қойған» деп белгіленген, бірақ басқа «КомпанияАтауы» жазбасы бар файлдардың болу себебі осы.