Հավելվածների վերահսկողություն

Հավելվածների վերահսկողությունը թույլ է տալիս ծնողներին վերահսկել, թե երեխան որ հավելվածները կարող է օգտագործել և որքան ժամանակ: Հավելվածների ցանկը ներբեռնվում է երեխայի սարքից: Կարող եք ընտրել նախասահմանված հինգ տարիքային խմբերի սկզբնադիր արժեքները՝ բովանդակությունը արգելափակելու և թույլատրելու համար, կամ անհատականացնել կարգավորումները ըստ ձեր նախընտրության:

Անցանկալի սարքերի արգելափակում — Ծնողների համար ապահովում է լրացուցիչ հանգստություն՝ ցուցադրելով միայն այն հավելվածները, որոնք համապատասխանում են երեխաների տարիքային խմբերին: Տարիքին չհամապատասխանող հավելվածները կարող են ինքնաբերաբար արգելափակվել:

Հավելվածներ - Հավելվածները բաժանվում են երեք կատեգորիայի.

•Անսահմանափակ - Այս հավելվածները միշտ թույլատրված են, և երեխաները կարող են դրանք միշտ օգտագործել:

•Արգելափակված - Այս հավելվածները միշտ արգելափակված են, և դրանց մուտքն արգելված է:

•Ժամանակային սահմանափակմամբ - Այս հավելվածները պատշաճ են, և երեխաները կարող են դրանք օգտագործել, բայց ծնողները կարող են սահմանել ժամանակի սահմանափակում դրանց օգտագործման համար: Դրանցից են, օրինակ, խաղերը և ժամանցային հավելվածները։

Դուք կարող եք փոխել հավելվածների կատեգորիաները, դիտել բոլոր տեղադրված հավելվածները և զտել դրանք՝ ըստ տարբեր կատեգորիաների։ Որևէ հավելվածի կատեգորիան փոխելու համար հպեք ընտրված հավելվածը և ընտրեք կատեգորիա։

Սահմանափակել հավելվածները — Միացված լինելու դեպքում՝ ժամանակային սահմանափակմամբ հավելվածների նկատմամբ կիրառվում են ժամանակային սահմանափակումներ։ ժամանակային սահմանափակմամբ հավելվածների ցանկը կարող եք գտնել Հավելվածներ ընտրանքում։

Ժամանակային սահմանափակումներ — Այս ընտրանքը հասանելի է միայն այն ժամանակ, երբ միացված է Սահմանափակել հավելվածները ընտրանքը։ Այս գործառույթը ձեզ թույլ է տալիս ժամանակային սահմանափակմամբ հավելվածների համար սահմանել օրական ժամանակային սահմանափակումներ ։

Մարտկոցի պաշտպանիչ - երբ երեխայի հեռախոսի մարտկոցի լիցքը ընտրված սահմանաչափից նվազում է, մարտկոցի պաշտպանիչն արգելափակում է ժամանակային սահմանափակմամբ հավելվածները՝ հեռախոսի մարտկոցի կյանքը երկարացնելու համար:

Ակնթարթային արգելափակում - անմիջապես արգելափակում է ժամանակային սահմանափակմամբ հավելվածները կամ բոլոր հավելվածները՝ մինչև կոնկրետ ամսաթիվը և ժամը:

Հավելվածների վերահսկողության գործառույթի մեջ հնարավոր է սահմանել ժամային սահմանափակում այն հավելվածների օգտագործման տևողության համար, որոնք նշված են որպես ժամանակային սահմանափակմամբ հավելվածներ: Ծնողները կարող են երեխային թույլատրել իր բջջային սարքում օգտագործել ժամանակային սահմանափակմամբ հավելվածներ կոնկրետ սահմանված ժամանակի ընթացքում: Դպրոցական և ոչ դպրոցական օրերի համար կարող են սահմանվել տարբել ժամանակային սահմանափակումներ, և թույլատրված ժամանակը կարող է սահմանվել օրվա հատուկ ժամերի համար:

Արձակուրդի ռեժիմը հնարավորություն է տալիս ժամանակավորապես անջատել ժամանակային սահմանափակումները արձակուրդի և հանգստյան օրերի համար: Ժամանակային սահմանափակումները և սահմանաչափերը կանջատվեն մինչև ձեր ընտրած ժամը։