Հաճախորդների Փորձի Բարելավման Ծրագիր

Միանալով Հաճախորդների Փորձի Բարելավման Ծրագրին՝ դուք ESET-ին տրամադրում եք անանուն տեղեկություններ՝ կապված մեր ապրանքների օգտագործման հետ: Տվյալների մշակման մասին լրացուցիչ տեղեկությունները հասանելի են մեր գաղտնիության քաղաքականություն մեջ։

Ձեր համաձայնությունը

Ծրագրի մասնակցությունը կամավոր է և հիմնված է ձեր համաձայնության վրա: Միանալուց հետո մասնակցությունը պասիվ է, այսինքն՝ ձեզնից չի պահանջվում ձեռնարկել որևէ այլ գործողություն: Դուք կարող եք ցանկացած պահի չեղարկել ձեր համաձայնությունը՝ փոխելով ապրանքի կարգավորումները: Այդ դեպքում կսահմանափակվի ձեր անանուն տվյալների հետագա մշակումը մեր կողմից:

Ի՞նչ տիպի տեղեկություններ ենք հավաքում։

Ապրանքի հետ աշխատանքին առնչվող տվյալներ

Դրանք մեզ լրացուցիչ տեղեկություններ են տրամադրում այն մասին, թե ինչպես են օգտագործվում մեր ապրանքները: Օրինակ՝ դրանց շնորհիվ մենք տեղեկանում ենք, թե որ գործառույթներն են հաճախ օգտագործվում, որ կարգավորումներն են փոխում օգտագործողները կամ որքան ժամանակ են ծախսում ապրանքի օգտագործման վրա:

Տվյալներ սարքի մասին

Մենք հավաքում ենք այս տվյալները՝ հասկանալու համար, թե որտեղ և ինչ սարքերում են օգտագործվում մեր ապրանքները։ Բնորոշ օրինակներն են՝ սարքի մոդելը, երկիրը, օպերացիոն համակարգի տարբերակը և անունը:

Սխալների ախտորոշման տվյալներ

Հավաքվում են նաև տվյալներ սխալների և վթարային իրավիճակների մասին: Օրինակ՝ ինչ սխալ է կատարվել, և որ գործողություններն են հանգեցրել դրան:

Ինչո՞ւ ենք հավաքում այս տվյալները

Այս անանուն տվյալները մեզ հնարավորություն են տալիս կատարելագործել մեր ապրանքները մեր օգտագործողի համար: Դրանք օգնում են մեզ դարձնել մեր ապրանքները հնարավորինս արդյունավետ, օգտագործման համար դյուրին և անթերի։

Ո՞վ է վերահսկում այդ տվյալները։

ESET, spol. s r.o. ընկերությունը հանդիսանում է Ծրագրի միջոցով հավաքված տեղեկությունների միակ վերահսկողը։ Այս տեղեկությունները չեն փոխանցվում երրորդ կողմերին: