Қолданбаларды бақылау

Қолданбаларды бақылау ата-аналарға баланың пайдалана алатын қолданбаларды және пайдалану ұзақтығын басқару мүмкіндігін береді. Баланың мобильді құрылғысынан қолданбалар тізімі жүктеп алынады. Блокталған және рұқсат етілген мазмұн үшін әдепкі мәндері бар бес алдын ала анықталған жас тобынан таңдауға немесе параметрлерді қалауыңызша теңшеуге болады.

Орынсыз қолданбаларды блоктау — Бұл мүмкіндік балаларға жас тобына сай жарамды қолданбаларды ғана көрсету арқылы ата-аналарға қосымша тыныштықты қамтамасыз етеді. Жасына орынсыз қолданбалар автоматты түрде блокталуы мүмкін.

Қолданбалар — Қолданбалар үш санатқа бөлінеді:

•Шектеусіз — Осы қолданбалар үнемі қосулы болады және балалар оларды барлық уақытта пайдалана алады.

•Блокталған — Осы қолданбалар үнемі блокталады және оларға қатынас шектеледі.

•Уақыты шектеулі — Осы қолданбалар орынды және балалар оларды пайдалана алады, бірақ ата-аналар пайдалану уақыты шегін орната алады. Мысалы, ойындар мен ойын-сауық қолданбалары.

Қолданбалар санаттарын өзгертуге, барлық орнатылған қолданбаларды қарауға және оларды бірнеше санат бойынша сүзуге болады. Қолданба санатын өзгерту үшін таңдалған қолданбаны түртіңіз және санатты таңдаңыз.

Қолданбаларды шектеу — Қосылған кезде уақыт шектері уақыты шектеулі қолданбаларға қолданылады. Уақыты шектеулі қолданбалар тізімін Қолданбалар опциясында таба аласыз.

Уақыт шектері — Бұл опция Қолданбаны шектеу опциясы қосылған кезде ғана қолжетімді болады. Бұл мүмкіндік уақыты шектеулі қолданбалар үшін күнделікті уақыт шектерін орнату мүмкіндігін береді .

Батарея қорғағыш — Бала телефонының батареясы таңдалған шектен төмендеген кезде батарея қорғағыш бала телефоны батареясының қызмет мерзімін ұзарту үшін уақыты шектеулі қолданбаларды блоктайды.

Жедел блоктау — Бұл мүмкіндік уақыты шектеулі қолданбаларды немесе барлық қолданбаларды белгілі бір күн мен уақытқа дейін дереу блоктайды.

Қолданбаларды бақылау аясында уақыты шектеулі қолданбалар ретінде белгіленген қолданбалардың пайдалану мөлшері үшін орнатылған уақыт шегі болады. Ата-аналар балаға мобильді құрылғысында уақыты шектеулі қолданбаларды көрсетілген уақыт мөлшері бойы пайдалануға рұқсат ете алады. Мектепке баратын күндер және мектепке бармайтын күндер үшін баламалы уақыт шектерін орнатуға болады және рұқсат етілетін уақытты күннің белгілі бір сағаттарына орнатуға болады.

Демалыс режимі демалыстар және мерекелер сияқты жағдайлар үшін уақыт шектерін уақытша өшіру мүмкіндігін береді. Уақыт шектері және бюджеттері таңдалған уақытқа дейін өшіріледі.