Anti-Theft

ESET Anti-Theft Мүмкіндігі мобильді құрылғыңызды рұқсатсыз қатынастан қорғайды, бөтен әрекетті бақылау мүмкіндігін береді және құрылғы орнын қадағалайды. Құрылғыңыз жоғалған жағдайда, хабарды іздеушіге көрсетуге де болады.

ESET Anti-Theft келесі рұқсаттарды талап етеді:

•Тәртіп бұзушының суретін түсіру үшін камераны пайдалану рұқсаты.

•Құпия деректерді қашықтан жоюға мүмкіндік беретін файлдарды өңдеу рұқсаты.

•Құрылғы жоқ болса, оны бақылау үшін орналасқан жер деректерін пайдалану рұқсаты.

•Құрылғы қозғалысын анықтау үшін физикалық белсенділікті бақылау рұқсаты.

•Құрылғыңыз жоғалса, тіпті ESET Mobile Security жабық болса да немесе қолданыста болмаса да оны бақылап отыруға мүмкіндік беретін фондық орналасқан жерге қатынасу мүмкіндігі. Бұл рұқсатты беру кезінде толық қорғауды қамтамасыз ету үшін Барлық уақытта рұқсат ету тармағын таңдаңыз.

•Егер ол құлыпталған болса, құрылғыдағы қоңырауларды қабылдауға рұқсат беру үшін Пайдалануға қатынасу мүмкіндігі.

•ESET Mobile Security бағдарламасының рұқсатсыз жойылуына жол бермейтін құрылғы әкімшісінің қатынасу рұқсаты. Құрылғы әкімшісін белсендірген соң ESET Mobile Security ішіндегі маңызды параметрлерді қорғау үшін сізден PIN коды сұралады.

•SIM картасын алуды анықтау үшін телефон ақпаратын оқу. SIM картасы алынған кезде құрылғыңыз құлыпталады.

ESET Mobile Security Ішінде Anti-Theft қорғанысын орнату үшін Android-ке арналған ESET Mobile Security ішінде Anti-Theft қорғанысын орнату туралы білім базасы мақаласын қараңыз (Білім базасы туралы мақалалар барлық тілдерде қолжетімді емес).

Құрылғыны автоматты түрде құлыптау

Құрылғыңызды ESET HOME порталынан құлыптаумен қатар, келесі әрекеттердің бірі орындалғанда құрылғыны автоматты түрде құлыптау үшін ESET Mobile Security параметрлерін баптауға болады:

•SIM картасы алынды — Егер сенімді SIM картасы құрылғыдан алынса, құрылғы құлыпталады. Сенімді SIM карталарын алу және тексеру үшін Сенімді SIM карталарын басқару опциясын түртіңіз, алғыңыз келетін SIM картасын таңдап, себет белгішесін түртіңіз. Сенімді SIM картасын қосу үшін SIM картасын енгізіңіз. Егер Автоматты құлыптау функциясы қосылса, құрылғы құлпын ашу қажет болады. ESET Mobile Security сізден жаңадан қосылған SIM картасын сенімді ретінде растауды сұрайды.

•[X] құлыпты ашу әрекетінен кейін — Қосылған кезде құрылғы сәтсіз құлыпты ашу әрекеттерінің орнатылған санынан кейін құлыпталады. Anti-Theft параметрлерінде құрылғыны құлыптамас бұрын сәтсіз құлыпты ашу әрекеттерінің санын орнатуға болады. Егер сәтсіз әрекет қателікпен орын алған болса, оны 30 секундта түзетуге болады және ол сәтсіз әрекет болып есептелмейді. Түзету уақыты опциясындағы Anti-Theft параметрлерінде түзету уақытын өзгертуге болады. Әрі түзету уақытын өшіруге болады және құрылғы сәтсіз әрекеттердің орнатылған санынан кейін дереу құлыпталады.

Құрылғы құлыпталған кезде құрылғы иесіне хабарласу ақпаратын көрсетуге болады және әрі құрылғы құлпын Ашуға әрекеттенетін адамның фотосуреттерін түсіру үшін құрылғының екі камерамен суреттер түсіру мүмкіндігін қосуға болады.

Құрылғы құлыпталғаннан кейін

Құрылғы құлыпталғаннан кейін келесілерді орнатуға болады:

•Контакт мәліметтерін көрсету опциясы экранды құлыптау коды қате енгізілген кезде Иесіне хабарласу мәліметтерін көрсетеді. Құрылғыңыз жоғалған кезде көрсетілетін контакт мәліметтерін теру үшін Контакт мәліметтерін өңдеу түймешігін түртіңіз. ESET HOME электрондық поштаңыз әдепкі бойынша теріледі.

•Фотосурет түсіру опциясы сәтсіз құлыпты ашу әрекетінде немесе SIM картасын алған кезде артқы және алдыңғы камера фотосуреттерін құрылғының Галереясына және Anti-Theft порталына сақтайды.

Мобильді құрылғымның құлпын ашу жолы

Егер мобильді құрылғыңызды ESET Anti-Theft порталs арқылы құлыптасаңыз немесе ESET Mobile Security for Android мобильді құрылғыңызды құлыптаса, ESET HOME құпия сөзіңізге қатынасу қажет болады.

Мобильді құрылғының құлпын ашу туралы көрнекі нұсқаулар алу үшін, келесі ESET білім базасы мақаласын оқыңыз (ағылшын тілінде және басқа да бірнеше тілде қолжетімді).