Հակաֆիշինգ

Ֆիշինգը նկարագրում է քրեական գործողություն, որը ներառում է օգտատերերի մտաշահարկում՝ տրամադրելով նրանց վերաբերյալ գաղտնի տեղեկություններն այն վեբկայքին, որոնք թվում են իսկական, բայց այդպիսին չեն: Այս տեսակի մտաշահարկումը հայտնի է որպես սոցիալական մեքենայություն: Ֆիշինգը հաճախ օգտագործվում է, որպեսզի ապահովի այնպիսի զգայուն տվյալների հասանելիություն, ինչպիսիք են բանկային հաշվեհամարները, վճարային քարտերի հաշվեհամարները, PIN համարները կամ օգտագործողի անուններն ու գաղտնաբառերը:

ESET Mobile Security-ի Հակաֆիշինգը պաշտպանում է վնասակար կամ վտանգավոր համարվող վեբկայքերից:

Մենք խորհուրդ ենք տալիս Հակաֆիշինգը-ը պահել միացված: Միացված լինելու դեպքում՝ բոլոր հնարավոր ֆիշինգային հարձակումները, որոնք գալիս են ESET-ի վնասակար տվյալների բազայում թվարկված վեբկայքերից կամ տիրույթներից, կարգելափակվեն և զգուշացնող ծանուցում կհայտնվի՝ տեղեկացնելով ձեզ հարձակման փորձի մասին:

Հակաֆիշինգը համատեղվում է Android օպերացիոն համակարգում հասանելի ամենատարածված վեբ դիտարկիչների և սոցիալական ցանցերի հավելվածների, ինչպես նաևChrome-ի և stock դիտարկիչների հետ, որոնք արդեն նախապես տեղադրված են Android սարքերում (սովորաբար կոչվում է Համացանց կամ Դիտարկիչ): Մյուս դիտարկիչները կարող են նշված լինել որպես Անպաշտպան, քանի որ նրանք Հակաֆիշինգի համար բավարար ինտեգրացում չեն ապահովում: Հակաֆիշինգի գործառնությունն ամբողջովին կիրառելու համար խորհուրդ ենք տալիս չօգտագործել ձեր սարքի համար չաջակցվող վեբ զննիչներ:

Հղման սկաներն ավելացնում է լրացուցիչ պաշտպանություն վնասակար հղումների նկատմամբ՝ ապահովելով, որ դուք անցնեք միայն անվտանգ հղումներով։ Յուրաքանչյուր հղում, որը բացում եք, ստուգվում է խաբեությունների և վնասակար կամ անցանկալի բովանդակության մասով՝ թույլ չտալով ձեզ անցնել այդ հղումներով: Հղման սկաները կարգավորելիս սահմանեք ESET Mobile Security որպես ձեր սկզբնադիր զննիչ: Սա մեզ թույլ է տալիս ստուգել այն հղումները, որոնք դուք փորձում եք բացել` նախքան դրանք բեռնելը: Այն չի փոխի ձեր նախընտրած զննիչը կանոնավոր համացանցային զննման համար, այնպես որ կարող եք շարունակել օգտագործել այն սովորական կարգով:

Բարելավել գործառնությունը – ESET Mobile Security զգուշացնում է ձեզ, որ Հակաֆիշինգային պաշտպանությունը պահանջում է Android օպերացիոն համակարգի կողմից տրվող հավելյալ թույլտվություն: Սեղմեք Թույլ տալ՝ համակարգի Մատչելիության կարգավորումները բացելու համար, և հաշվի առեք ավելի շատ զննիչների աջակցություն տրամադրելու և պաշտպանությունը միացնելու համար առկա տարբերակները մասնավոր (ինկոգնիտո) ռեժիմով զննելիս: Եթե դուք չեք ցանկանում, որ այս հարցը ներկայացվի որպես խնդիր, սեղմեք Անտեսել այս հարցը (խորհուրդ չի տրվում):

Հակաֆիշինգն անջատելու համար սեղմեք Հակաֆիշինգի բաժնի երեք կետերը և հպեք Անջատել։

ESET Mobile Security-ի մատչելիության թույլտվությունը տեղադրվել է .APK ֆայլից՝ Android 13-ում

Մատչելիության խնդիրը լուծելու համար.

1.Բացեք Կարգավորումներ > Մատչելիություն > Ներբեռնված հավելվածներ, և ESET Mobile Security-ն անհասանելի է:

2.Հպեք ESET Mobile Security հավելվածին, և կբացվի Սահմանափակված կարգավորումներ երկխոսության պատուհանը։

3.Այնուհետև սեղմեք Լավ:

4.Անցեք Կարգավորումներ > Հավելվածներ > ESET Mobile Security՝ Հավելվածի տեղեկությունները բացելու համար։

5.Հպեք երեք կետերով ընտրացանկի պատկերակին՝ վերին աջ անկյունում > Թույլ տալ սահմանափակված կարգավորումները։

Սահմանափակված կարգավորումներն այժմ թույլատրված են, և դուք կարող եք ապահով կերպով սկսել օգտագործել հավելվածը։

Պաշտպանված դիտարկիչներ։

•Chrome

•Chrome Beta

•Firefox

•Firefox Beta

•Opera

•Opera Beta

•Opera Mini

•Opera Mini Beta

•Opera TV դիտարկիչ

•Samsung համացանց

•Mint

•Yandex դիտարկիչ

•DuckDuckGo (ESET Mobile Security 6.1 և ավելի նոր տարբերակում)

•Kiwi դիտարկիչ

•Edge

•Silk՝ Amazon սարքերում

•Mi դիտարկիչ

•Xiaomi Mi դիտարկիչ

•Vewd՝ Android TV-ում

Սոցիալական ցանցերի պաշտպանված հավելվածներ

•Facebook

•Facebook Lite

•Messenger

•Messanger Lite

•Instagram

•Սոցիալական ցանցերի հավելվածները, որոնք համացանցը դիտելու համար կիրառում են դիտարկչի պաշտպանված բաղադրիչներ, նույնպես պաշտպանված են:

˄˅