SMS және Хабарландыруды қорғау
SMS және Хабарландыруды қорғау құралдары сізді смишингтен қорғайды.
«Смишинг» сөзі — фишинг және SMS (қысқа хабар қызметі) сөздерінен біріктірілген жаңа термин. Сондықтан оны кейде «SMS фишинг» деп те атауға болады. Шабуылдаушылар SMS хабарларын пайдаланады, себебі адамдар, әдетте, электрондық поштадан гөрі хабарларға көбірек сенім артады.
SMS-ті қорғау мүмкіндігі сізді SMS хабары арқылы таратылатын смишингтен қорғайды. Бірақ қауіп-қатер кез келген хабар алмасу платформасы арқылы таралуы мүмкін. Дәл осы жерде хабарландыруды қорғау күшіне енеді. Сіз SMS немесе хабарландыру алған кезіңізде (мысалы, Whatsapp-тан хабар алғаннан кейін),ESET Mobile Security сілтемені талдайды. Талдау негізінде үш ықтимал нәтиже болады:
•Қауіптер табылған жоқ.
•Орынсыз болуы ықтимал мазмұн табылды. Хабардың немесе хабарландырудың мазмұны ешқандай тікелей қауіп төндірмеуі мүмкін. Мұндағы ниет – вирустар немесе троялықтар секілді зиянды бағдарламалардың басқа түрлеріндей біржақты зиянды емес. Дегенмен, ол қосымша қалаусыз бағдарламалық құралды орната, сандық құрылғының мінез-құлқын өзгерте, я болмаса, пайдаланушы күтпеген немесе бекітпеген әрекеттерді орындай алуы мүмкін.
•Қауіпті мазмұн табылды. Бұл хабарда немесе хабарландыруда қауіпті немесе фишингтік сілтемелер бар. Мазмұнды ашпауды және хабарды немесе хабарландыруды жоюды ұсынамыз.
|
Хабарлар мен хабарландыруларды жою Қауіпсіздік себептері бойынша ESET Mobile Security сіз үшін хабарлар мен хабарландыруларды жоя алмайды. Қауіпті мазмұнды қолмен өзіңіз жоюыңыз керек. |
Смишинг қалай жүзеге асады
1.Шабуылдаушы веб-сайтқа сілтемесі бар хабарды жібереді.
2.Сілтеме әдетте фишинг веб-сайтына алып барады, ол сізді жеке ақпаратыңызды беруге итермелеуі мүмкін. Оларды, мысалы, сізден ақша ұрлау немесе одан әрі алаяқтық жасау үшін пайдалануға болады. Сондай-ақ, сілтеме зиянды бағдарламалардан тұратын зиянды веб-сайтқа әкелуі мүмкін немесе оны жүктеп алуға тырысады.
Смишинг белгілері
•Күдікті телефон нөмірі, мысалы, шетелдік немесе ұзындығы стандартты емес нөмір.
•Хабарда белгісіз файлдар немесе сілтемелер бар.
•Смишинг хабарлары әдетте шұғыл сипатқа ие болады.
•Смишинг хабарлары көбінесе сыйлық ретінде немесе ұтыс ақпараты ретінде көрінеді.