Anti-Theft

ESET Anti-Theft գործառույթը պաշտպանում է ձեր բջջային սարքը չլիազորված մուտքից, թույլ է տալիս ձեզ վերահսկել արտաքին գործողությունները և հետևում է սարքի տեղադրությանը։ Դուք նաև կարող եք ցուցադրել հաղորդագրությունը գտնողին, եթե սարքը կորչի։

Եթե սարքը կորել է, դուք կարող եք կառավարել այն՝ օգտագործելով ESET Anti-Theft հարթակը, կամ կարող եք կատարել որոշակի գործողություններ՝ օգտագործելով SMS հրահանգներ ձեր վստահելի կոնտակտների սարքից։ SMS-ով գործողություններ կատարելու համար դուք պետք է սահմանեք վստահելի ընկերոջ գործառույթը և ավելացնեք նրանց հեռախոսահամարները վստահելի կոնտակտների ցանկին: Այցելեք մեր «Տեղակայել Anti-Theft պաշտպանություն ESET Mobile Security-ում Android-ի համար» գիտելիքների բազայի հոդված, որպեսզի տեղակայեք Anti-Theft պաշտպանություն ESET Mobile Security-ում։ (Գիտելիքների բազայի հոդվածները հասանելի չեն բոլոր լեզուներով)։

ESET Anti-Theft-ը գործարկման համար պահանջում է Սարքի տեղակայում և տեսախցիկի հասանելիության թույլտվություն: Զգուշացում ցուցադրելու և սարքը կողպելու համար ESET Mobile Security-ը պահանջում է Էկրանի վերածածկման թույլտվություն:

Այս հատկանիշը թույլ է տալիս հարմարեցնել Կասկածելի ռեժիմի կողմից տրված զգուշացումները կամ կատարված գործողությունները: ESET Mobile Security կանոնավոր կերպով պահում է սարքի տեղադրությունը, տեսախցիկի նկարները և WiFi և IP հասցեները: Դուք կարող եք սահմանել հետևյալը.

Ավտոմատ կողպել սարքը

Դուք կարող եք կարգավորել ESET Mobile Security-ը ավտոմատ կողպել ձեր սարքը, եթե կատարվում է հետևյալ գործողություններից մեկը՝

•Երբ SIM քարտը հեռացվել է - Եթե վստահելի SIM քարտը հեռացվում է սարքից, սարքը կկողպվի։ Վստահելի SIM քարտը հեռացնելու և ստուգելու համար հպեք Կառավարել վստահելի SIM քարտերը, ընտրեք SIM քարտը, որն ուզում եք հեռացնել, ապա հպեք աղբարկղի պատկերակը . Վստահելի SIM քարտ հավելելու համար տեղադրեք SIM քարտը։ Եթե Ավտոմատ կողպումը միացված է, դուք պետք է ապակողպեք սարքը։ ESET Mobile Security -ը կպահանջի ձեզ հաստատել, որ նոր ավելացված SIM քարտը վստահելի է։ Այս գործառույթն ակտիվացնելու համար կստեղծվի եզակի նույնացուցիչ ESET#### ձեր SIM քարտում և կոնտակտներում։ Մի ջնջեք եզակի նույնացուցիչը։ Եթե նույնացուցիչ կոնտակտը ջնջվի, սարքը կկողպվի։

•Ապակողպման [X] փորձից հետո - Միացնելու դեպքում ձեր սարքը կկողպվի ապակողպման որոշակի չհաջողված փորձերից հետո։ Դուք կարող եք սահմանել ապակողպման չհաջողված փորձերի թիվը, նախքան սարքը կողպելը Anti-Theft-ի կարգավորումներում։ թե ձեր չհաջողված փորձը սխալմամբ էր կատարվել, կարող եք ուղղել այն 30 վայրկյանից, և այն չի համարվի չհաջողված փորձ։ Կարող եք փոխել ուղղման տևողությունը Anti-Theft-ի կարգավորումներում՝ Ուղղման համար նախատեսված ժամանակ ընտրանքում։ Դուք նաև կարող եք անջատել ուղղման համար նախատեսված ժամանակը, և սարքն անմիջապես կկողպվի չհաջողված սահմանված քանակով փորձերից հետո։

Սարքը կողպվելուց հետո դուք կարող եք ցուցադրել սարքի սեփականատիրոջ հետ կապվելու տեղեկություններ։ Ինչպես նաև կարող եք թույլ տալ սարքին լուսանկարներ անել երկու տեսախցիկներով՝ ստանալու այն անձի լուսանկարները, ով փորձում է ապակողպել ձեր սարքը։

Սարքը կողպելուց հետո

Սարքը կողպելուց հետո կարելի է կատարել հետևյալ գործողությունները՝

•Ցուցադրել կոնտակտային տվյալները - Ցուցադրում է Կապվել սեփականատիրոջ հետ ընտրանքը, երբ մուտքագրվել է էկրանի կողպման սխալ կոդ։

•Լուսանկարել - Պահում է հետևի և դիմացի տեսախցիկի լուսանկարները ձեր սարքի Պատկերասրահում և Anti-Theft հարթակում՝ ձախողված ապակողպման փորձի կամ SIM քարտի հեռացման դեպքում։