Ұрлыққа қарсы

ESET Anti-Theft мүмкіндігі мобильді құрылғыңызды рұқсатсыз қатынастан қорғайды, бөтен әрекетті бақылау мүмкіндігін береді және құрылғы орнын қадағалайды. Әрі құрылғы жоғалған жағдайда хабарды іздеу құралына көрсете алады.

Еге құрылғы жоқ болса, оны ESET Anti-Theft порталы арқылы басқаруға болады немесе сенімді контактілер құрылғысынан SMS пәрмендері арқылы белгілі бір әрекеттерді орындауға болады. Әрекеттерді SMS арқылы орындау үшін сенімді достар мүмкіндігін орнату және олардың телефон нөмірлерін сенімді контактілер тізіміне қосу керек. ESET Mobile Security ішінде Anti-Theft қорғанысын орнату үшін Android-ке арналған ESET Mobile Security ішінде Anti-Theft қорғанысын орнату туралы білім қоры мақаласын қараңыз. (Білім қорындағы мақалалар кейбір тілдерде жоқ).

ESET Anti-Theft мүмкіндігінің жұмыс істеуі үшін құрылғы орны мен камераға қатынасу рұқсаттары қажет. Ескертуді көрсету және құрылғыны құлыптау үшін, ESET Mobile Security қолданбасына экранды қабаттастыру рұқсаты қажет.

Бұл мүмкіндік «Күдікті режим» іске қосатын ескертулер мен әрекеттерді реттеуге мүмкіндік береді. ESET Mobile Security құрылғы орнын, камера фотосуреттерін және Wi-Fi IP мекенжайларын жүйелі түрде сақтап тұрады. Сіз мыналарды анықтай аласыз:

Құрылғыны автоматты түрде құлыптау

Мына әрекеттердің біреуі орындалған кезде ESET Mobile Security қолданбасының құрылғыны автоматты түрде құлыптауын реттеуге болады:

•SIM картасы алынған кезде — Егер сенімді SIM картасы құрылғыдан алынса, құрылғы құлыпталады. Сенімді SIM карталарын алу және тексеру үшін Сенімді SIM карталарын басқару опциясын түртіңіз, алғыңыз келетін SIM картасын таңдап, себет белгішесін түртіңіз. Сенімді SIM картасын қосу үшін SIM картасын енгізіңіз. Егер Автоматты құлыптау функциясы қосылса, құрылғы құлпын ашу қажет болады. ESET Mobile Security сізден жаңадан қосылған SIM картасын сенімді ретінде растауды сұрайды. Бұл функцияны қосу үшін, SIM картаңызда және контактілеріңізде бірегей идентификатор ESET#### жасалады. Бірегей идентификаторды жоймаңыз. Егер идентификатор контактісі жойылса, құрылғы құлыпталады.

•[X] құлыпты ашу әрекетінен кейін — Қосылған кезде құрылғы сәтсіз құлыпты ашу әрекеттерінің орнатылған санынан кейін құлыпталады. Anti-Theft параметрлерінде құрылғыны құлыптамас бұрын сәтсіз құлыпты ашу әрекеттерінің санын орнатуға болады. Егер сәтсіз әрекет қателікпен орын алған болса, оны 30 секундта түзетуге болады және ол сәтсіз әрекет болып есептелмейді. Түзету уақыты опциясындағы Anti-Theft параметрлерінде түзету уақытын өзгертуге болады. Әрі түзету уақытын өшіруге болады және құрылғы сәтсіз әрекеттердің орнатылған санынан кейін дереу құлыпталады.

Құрылғы құлыпталған кезде құрылғы иесіне хабарласу ақпаратын көрсетуге болады және әрі құрылғы құлпын ашуға әрекеттенетін адамның фотосуреттерін түсіру үшін құрылғының екі камерамен суреттер түсіру мүмкіндігін қосуға болады.

Құрылғы құлыпталғаннан кейін

Құрылғы құлыпталғаннан кейін, мына әрекеттерді орындауға болады:

•Контакт мәліметтерін көрсету — Экранды құлыптау коды қате енгізілген кезде Иесіне хабарласу опциясын көрсетеді.

•Фотосурет түсіру — Сәтсіз құлыпты ашу әрекетінде немесе SIM картасын алған кезде артқы және алдыңғы камера фотосуреттерін құрылғының Галереясына және Anti-Theft порталына сақтайды.

SMS пәрмендері

Қосылған кезде құрылғыны құлыптау, құрылғыны табу немесе құрылғыны толық өшіру секілді әрекетті орындау үшін SMS пәрмендерін жіберуге болады. SMS пәрмендерін жіберу үшін SMS пәрмендерін жіберу үшін пайдаланғыңыз келетін құрылғының телефон нөмірін сенімді контакт ретінде сақтау қажет.

Сенімді контактілерді басқару

Сенімді контактіні қосу үшін Сенімді контактілерді басқару опциясын түртіңіз және төменгі оң жақтағы + белгішесін түртіңіз. Белгілі бір сенімді контакт жібере алатын пәрмендерді таңдауға болады. Сенімді контакт әрі сенімді SIM картасы алынған кезде хабарландыру ала алады.