Антифишинг
Фишинг веб-сайтта шынайы болып көрінетін, құпия ақпаратты алу үшін пайдаланушыларды алдап-арбау арқылы жүзеге асырылатын қылмыстық іс-әрекетті білдіреді. Бұл алдап-арбау түрі психологиялық шабуыл ретінде белгілі. Фишинг банктік есеп-шот нөмірлері, төлем карталарының нөмірлері, PIN кодтары немесе пайдаланушы аттары және құпиясөздер сияқты құпия деректерге қол жеткізу үшін жиі пайдаланылады.
ESET Mobile Security бағдарламасындағы антифишинг зиянды немесе қауіпті деп танылған веб-сайттардан қорғайды.
Антифишинг модулін қосулы ұстау ұсынылады. Қосулы болғанда, ESET зиянкес бағдарламалар дерекқорында тізілген веб-сайттардан немесе домендерден келетін барлық ықтимал фишингтік шабуылдар бұғатталады және сізге әрекет жасалған шабуыл туралы хабарлайтын ескерту хабарландыру көрсетіледі.
Қолданба қорғанысы алаяқтық сайттарға кіруден және браузерлер мен басқа да қолданбаларда құпия ақпаратты ашудан қорғайды. Антифишинг Android OS-те қолжетімді танымал веб-браузерлермен және әлеуметтік желі қолданбаларымен бірігеді. Chrome, Firefox, Opera, Edge және басқа да танымал браузерлер антифишинг мүмкіндіктеріне толықтай қолдау көрсетеді. Толық қолдау көрсетілетін браузерлер мен қолданбаларда сіз кіретін тұтас веб-сайтта, соның ішінде оның ішкі беттерінде зиянды контент бар-жоғы сканерленеді. Кең таралмаған браузерлер мен қолданбалар қолдауы шектелген болуы мүмкін, себебі оларда антифишингке арналған жеткілікті интеграция жоқ. Қолдауы шектелген дегеніміз — тек жоғары деңгейлі домен сканерленеді. Мысалы, "example.com" сайтына кірсеңіз, оның "example.com/about" сияқты ішкі домендері емес, тек сол бет сканерленеді. Антифишинг функциясын толық пайдалану үшін, қолдау көрсетілмейтін веб-браузерлерді пайдаланбауды ұсынамыз.
Сілтеме сканері зиянды сілтемелерден қосымша қорғайды және тек қауіпсіз сілтемелерге өтуге көмектеседі. Сіз ашатын әрбір сілтемеде алаяқтық пен зиянды не қажетсіз контент бар-жоғын тексеріледі және мұндай сілтемелерді ашуға жол бермейді. Сілтеме сканерін орнатқанда ESET Mobile Security браузерін әдепкі браузер ретінде орнатыңыз. Бұл жүктеу алдында сіз ашуға тырысқан сілтемелерді тексеруге мүмкіндік береді. Ол интернетті күнделікті қолдануға арналған әдеттегі браузерді өзгертпейді, сондықтан оны әдеттегідей пайдалануға болады.
SMS-ті қорғау сізді зиянды сілтемелері бар хабардан қорғайды.
Хабарландырулар қорғанысы хабарландырулармен келген зиянды сілтемелерден (сілтемені ашпай тұрып) қорғайды.
|
Антифишингті веб-браузерлермен дұрыс интеграциялау үшін Android 8 (Oreo) немесе одан кейінгі нұсқасын пайдалануға кеңес береміз. |
Функцияларды жақсарту – Антифишингтік қорғау Android операциялық жүйесінің қосымша рұқсаттарды беруін қажет етсе, ESET Mobile Security сізге ескертеді. Жүйенің «Арнайы мүмкіндіктердің параметрлері» тармағын ашу үшін Рұқсат ету пәрменін түртіңіз және қосымша браузерлерге қолдау көрсетудің қолжетімді опцияларын қарап шығыңыз және құпия (инкогнито) шолу кезінде қорғауды қосыңыз. Бұл туралы мәселе ретінде хабарланбауын қаласаңыз, Осы мәселені елемеу (ұсынылмайды) пәрменін түртіңіз.
Антифишингті өшіру үшін, Антифишинг бөліміндегі үш нүктені 
түртіп, Өшірутүймешігін түртіңіз.
ESET Mobile Security өніміне қол жеткізу рұқсаты Android 13 және одан кейінгі нұсқасындағы .APK файлынан орнатылады
|
Ескертпе Қауіпсіздікті сақтау мақсатында Android 13 және одан кейінгі нұсқасы .apk файлдарынан орнатылған қолданбаларға қол жеткізу рұқсатын шектейді. Бұл осы рұқсаттарға хабарлаусыз кірудің алдын алады. ESET Mobile Security өнімі рұқсатты қалай пайдаланады Біз бұл рұқсатты сіз кірген веб-сайттардың URL мекенжайына қатынасу үшін пайдаланамыз. Оларда фишинг, зиянды бағдарламалар немесе басқа да қауіпті белгілер бар-жоғын талдаймыз. Қауіп анықталған кезде құпия деректеріңізді қорғау үшін веб-сайт блокталады. Қол жеткізу рұқсаты арқылы алынған деректер үшінші тараптарға берілмейді. |
Қатынасу мүмкіндігі мәселесін шешу үшін:
|
Қатынасу мүмкіндігіне рұқсат ету Суреттелген нұсқауларды алу үшін біздің Білім базасы тарауымызды қараңыз (ол тек ағылшын тілінде қолжетімді болуы мүмкін). |
1.Параметрлер > Арнайы мүмкіндіктер > Жүктеп алынған қолданбалар тармағын ашып, ESET Mobile Security қолжетімді екенін тексеріңіз.
2.ESET Mobile Security Қолданбасын түртіңіз, сонда Шектелген баптау диалогы ашылады.
3.Содан кейін OK түймесін түртіңіз.
4.Қолданба ақпаратын ашу үшін Параметрлер > Қолданбалар > ESET Mobile Security тармағына өтіңіз.
5.Жоғарғы оң жақтағы үш нүкте мәзір белгішесін > Шектелген параметрлерге рұқсат ету тармағын түртіңіз.
Одан кейін шектелген параметрлерге рұқсат етіледі де, қолданбаны қауіпсіз пайдалануды бастау мүмкіндігі туады.
|
Samsung DeX станциясындағы антифишинг Антифишингке Samsung DeX станциясына қосылған құрылғыларда қолдау көрсетілмейді. |
Қорғалған браузерлер
•Chrome
•Chrome Beta
•Firefox
•Firefox Beta
•Opera
•Opera Beta
•Opera Mini
•Opera Mini Beta
•Opera TV браузері
•Samsung Internet
•Mint
•Яндекс браузері
•DuckDuckGo (ESET Mobile Security 6.1 және одан кейінгі нұсқасында)
•Kiwi браузері
•Edge
•Amazon құрылғыларындағы Silk браузері
•Mi браузері
•Xiaomi Mi браузері
•Android TV құрылғыларындағы Vewd браузері
Қорғалған әлеуметтік желі қолданбалары
•Facebook Lite
•Messenger
•Messenger Lite
•Сондай-ақ, веб-көрініс үшін қорғалған браузер компоненттерін пайдаланатын әлеуметтік желі қолданбалары қорғалады.