Анықтама мазмұнын іздеу

Хабарландырулар | Желі инспекторы

Навигация жолдары

ESET онлайн анықтамасы > ESET Internet Security > ESET Internet Security Бағдарламасымен жұмыс істеу > Құралдар > Желі инспекторы > Хабарландырулар | Желі инспекторы

Ағымдағы мақаланың URL мекенжайын көшіру Электрондық пошта арқылы бөлісу

Осы мақала (PDF) Тұтас құжаттама (PDF)

Желі инспекторы жергілікті желіде желі құрылғыларына әсер ететін ықтимал мәселелер, мысалы, қауіпті маршрутизатор параметрлері, әлсіз құпиясөздер немесе зиянды бағдарлама бар-жоғын сканерлейді.

Төменде ESET Internet Security маршрутизаторда осалдық мәселесін анықтаған кезде көрсетілетін бірнеше хабарландыру берілген. Маршрутизатордың осалдық қаупін азайту туралы нұсқау алу үшін тиісті хабарландыруды басыңыз.

Маршрутизатор өзгерістерімен таныс болмасаңыз, маршрутизатор өндірушісіне немесе интернет провайдеріне хабарласыңыз.

Ықтимал осалдық табылды: маршрутизаторыңызда оңай шабуылға ұшырауы және теріс қолданылуы мүмкін белгілі осалдықтар болуы ықтимал. Маршрутизатордың микробағдарламасын жаңартыңыз.

Маршрутизатордың микробағдарламасын жаңарту үшін:

1.Веб-интерфейске кіру үшін оның IP мекенжайын (әдетте 192.168.1.1 немесе 192.168.0.1) браузерге енгізіңіз.

2.Кеңейтілген, Әкімшілік немесе Жүйе құралдары бөліміне өтіп, Микробағдарлама деңгейін көтеру опциясын таңдаңыз да, жаңартуларды тексеріңіз.

3.Кедергілерге жол бермеу үшін сымды Ethernet байланысын пайдаланыңыз.

Қауіп табылды: маршрутизатор зиянды бағдарламамен зақымдалған. Маршрутизаторды қайта іске қосып, қарап шығуды қайталаңыз.

Маршрутизатор зиянды бағдарламамен зақымдалған болса, келесі қадамдарды орындаңыз:

1.Зиянды әрекетті тоқтату үшін маршрутизаторды интернеттен дереу ажыратыңыз немесе қуат көзінен 60 секундқа ажыратыңыз.

2.Қалпына келтіру түймесін 10-30 секунд басып тұрып, зауыттық параметрлерге қалпына келтіріңіз.

3.Осалдықты түзету үшін өндірушінің веб-сайтынан соңғы микробағдарламаны қараңыз.

4.Қалпына келтіргеннен кейін әдепкі параметрлерді қолданып, маршрутизатордың веб-интерфейсіне кіріп, күшті, бірегей әкімші пайдаланушы аты мен құпиясөзін жасаңыз.

5.Хакерлер маршрутизаторды интернет арқылы басқармауы үшін, әдепкі Wi-Fi желісінің атауын (SSID) өзгертіңіз, WPA2 не WPA3 шифрлау мүмкіндігін қосыңыз және қашықтан басқару/қол жеткізу мүмкіндігін өшіріңіз.

Маршрутизатор құпиясөзі әлсіз: маршрутизатордағы құпиясөз әлсіз және оны басқа біреу оңай таба алады. Маршрутизатордағы құпия сөзді өзгертіңіз.

Маршрутизатордағы құпиясөз әлсіз болса, келесі қадамдарды орындаңыз:

1.Шифрлау түрін WPA3 не WPA2-AES опциясына орнатыңыз (WEP немесе WPA қауіпті болып есептеледі).

2.Күшті, бірегей әкімші пайдаланушы аты мен құпиясөзін жасаңыз (көп жағдайда әдепкісінше — admin/admin).

Желіні зиянды басқа жаққа бағыттау: интернет трафигі зиянды веб-сайттарға бағыттайтын сияқты. Бұл маршрутизаторыңызға біреу енгенін білдіруі мүмкін. Маршрутизатордағы DNS серверінің параметрін өзгертіңіз.

Жедел әрекеттер

1.Браузер қойындысын немесе терезесін дереу жабыңыз.

2.Жеке ақпарат енгізбеңіз.

3.Интернеттен ажыратыңыз (Ethernet-ті ажыратыңыз немесе Wi-Fi-ды өшіріңіз).

Басқа жаққа бағыттауды қадам бойынша түзету

1.Зиянды бағдарламаны анықтап, өшіру үшін ESET Internet Security көмегімен терең сканерлеңіз.

2.Браузердің кеңейтім менеджерін (мысалы, chrome://extensions) ашып, таныс емес немесе мәселе басталғанға дейін орнатылған кеңейтімдерді өшіріңіз.

3.Браузерді әдепкі параметрлерге қайтарып, басты беттегі, іздеу жүйесіндегі немесе жаңа қойынды бетіндегі жасырын өзгерістерді өшіріңіз.

4.Іздеу жолағына cmd деп теріп, Пәрмен нұсқауын тінтуірдің оң жақ түймесімен басып, Әкімші ретінде іске қосу опциясын таңдаңыз. ipconfig /flushdns деп теріп, Enter түймесін басыңыз. DNS шешу құралының кэші сәтті тазартылды растауы көрсетілуі керек.

Алдын алу шаралары

1.Шабылдаушылардың осалдықтарды қолдануына жол бермеу үшін браузер мен операциялық жүйені жаңартып отырыңыз.

2.Виртуалды жеке желі қолданылса, шабуылдаушылар трафикті ұстап алып, басқа жаққа бағыттай алмайды.

3.Күдікті сілтемелерді баспаңыз және зиянды кодты немесе қажетсіз қолданбаларды қамтуы мүмкін тегін бағдарламалық жасақтамадан сақ болыңыз.

Ашық желілік қызметтер: маршрутизатор басқалар қолдануы мүмкін желілік қызметтерді іске қосуы ықтимал. Бұл нашар конфигурацияға немесе біреу енген маршрутизаторға байланысты болуы мүмкін. Маршрутизатордың конфигурациясын тексеріңіз.

Маршрутизаторыңыз басқа адамдар пайдалануы мүмкін желілік қызметтерді іске қосса, желіні қорғау үшін келесі қадамдарды орындаңыз:

1.Маршрутизатордың әкімші панеліне кіріп, жаңа пайдаланушылар немесе өзгертілген параметрлер бар-жоғын қараңыз.

2.Қауіпсіздік осалдықтарын жою үшін маршрутизатордың микробағдарламасын үнемі жаңартып отырыңыз.

3.Рұқсатсыз кіруге жол бермеу үшін маршрутизатордың әдепкі әкімші құпиясөзін және Wi-Fi құпиясөзін өзгертіңіз.

4.Маршрутизаторға кіруге шектеу қою үшін қашықтан басқару мүмкіндіктерін өшіріңіз.

5.Әріптер, сандар және таңбалар араласқан күрделі құпиясөздер жасаңыз.

6.Маршрутизаторда брандмауэрді қосып, орнатыңыз.

7.WPA3 немесе WPA2 шифрлау мүмкіндігі сияқты қауіпсіздік мүмкіндіктері бар маршрутизаторды пайдаланыңыз.

Құпия ашық желілік қызметтер: маршрутизатор басқалар қолдануы мүмкін құпия желілік қызметтерді іске қосуы ықтимал. Бұл нашар конфигурацияға немесе біреу енген маршрутизаторға байланысты болуы мүмкін. Маршрутизатордың конфигурациясын тексеріңіз.

Маршрутизатор құпия желілік қызметтерді іске қосса, желіні қорғау үшін жедел әрекет жасау маңызды. Орындауға болатын қадамдар:

1.Маршрутизатор микробағдарламасының жаңартылғанына көз жеткізіңіз. Олай болмаса, дереу жаңартыңыз.

2.Маршрутизатордың әкімші бетіне кіріп, DNS параметрлерін тексеріңіз. Олар таныс емес IP мекенжайларына бағыттаса, оларды дереу өзгертіңіз.

3.Маршрутизатордың конфигурациясын тексеріп, қолданылуы мүмкін қажетсіз желілік қызметтерді іске қоспайтынына көз жеткізіңіз.

4.Желідегі рұқсатсыз кіру белгілерін, мысалы, баяу интернет жылдамдығын немесе кіру ақауларын бақылаңыз.

5.Зиянды трафикті блоктау және рұқсатсыз кіруге жол бермеу үшін маршрутизатор деңгейінде трафикке сүзгі қолдану мүмкіндігін пайдаланыңыз.

Микробағдарлама ескірген: маршрутизатордағы микробағдарлама ескірген және осалдықтарды қамтуы мүмкін. Маршрутизатордағы микробағдарламаны жаңартыңыз.

Маршрутизатордың микробағдарламасын жаңарту үшін:

1.Веб-интерфейске кіру үшін оның IP мекенжайын (әдетте 192.168.1.1 немесе 192.168.0.1) браузерге енгізіңіз.

3.Кедергілерге жол бермеу үшін сымды Ethernet байланысын пайдаланыңыз.

Зиянды маршрутизатор параметрі: маршрутизатор қолданатын бұл DNS сервері зиянды және ол сізді қауіпті веб-сайттарға жіберуі мүмкін. Бұл маршрутизаторыңызға біреу енгенін білдіруі мүмкін. Маршрутизатордағы DNS серверінің параметрін өзгертіңіз.

Маршрутизатор қолданатын DNS сервері зиянды және сізді қауіпті сайттарға жіберуі мүмкін деп күдіктенсеңіз, қауіпті азайту үшін келесі қадамдарды орындаңыз:

1.Маршрутизатордың әкімші бетіне кіріп, DNS параметрлерін тексеріңіз. Олар таныс емес IP мекенжайларына бағыттаса, оларды дереу өзгертіңіз.

2.https://www.dnsleaktest.com/ сияқты веб-сайттар сұрауларыңызды қай серверлердің шешіп жатқанын көрсете алады. Күтпеген IP мекенжайларын немесе интернет провайдердің шешуші құралдарын көрсеңіз, бұл — күдікті жағдай.

3.Маршрутизатор микробағдарламасының жаңартылғанына көз жеткізіңіз.

4.DNSSEC тексеруін қосып, DNS жазбаларының шынайылығын тексеріңіз.

5.VPN қолданыңыз.

Желілік қызметтер: маршрутизаторыңызда жалпы желілік қызметтер жұмыс істейді. Бұлар желіге қажет және қауіпсіз болуы мүмкін. Маршрутизатордың конфигурациясын тексеріңіз.

Маршрутизаторыңызда жалпы желілік қызметтер іске қосылса және Маршрутизатор конфигурациясын тексеріңіз хабарландыруын алсаңыз, оның себебі ескірген микробағдарламадан немесе ықтимал қауіпсіздік осалдықтарынан болуы мүмкін. Бұл мәселені шешу үшін келесі қадамдарды орындауға болады:

1.Маршрутизатор микробағдарламасының жаңартылғанына көз жеткізіңіз.

2.Желі осалдықтарға тап болмауы үшін, маршрутизатор параметрлерінің дұрыс конфигурацияланғанын тексеріп тұрыңыз.

Үй желісін қорғау жолының басқа кеңейтерін келесі мақаладан қараңыз.

˄˅