Ережелерді конфигурациялау және пайдалану

Ережелер барлық желілік қосылымдарды тексеру үшін пайдаланылатын бірқатар шарттарды және осы шарттарға тағайындалған барлық әрекеттерді білдіреді. Брандмауэр ережелері арқылы желілік қосылымдар түрлері орнатылған кезде орындалатын әрекетті анықтауға болады. Ережені сүзу реттеуіне қатынасу үшін Кеңейтілген орнату (F5) > Желіні қорғау > Брандмауэр > Кеңейтілген тармағына өтіңіз. Кейбір алдын ала анықталған ережелер рұқсат етілген қызметтер (Рұқсат етілген қызметтер және кеңейтілген опциялар) құсбелгілерімен байланыстырылған және оларды тікелей өшіру мүмкін емес, оның орнына бұл үшін осы тиісті құсбелгілерді пайдалануға болады.

Алдыңғы ESET Endpoint Security нұсқасынан ерекшелігі, ережелер жоғарғы жақтан төменгі жаққа қарай бағаланады. Бағаланып жатқан әр желілік қосылым үшін бірінші сәйкес ереженің әрекеті пайдаланылады. Бұл ережелердің басымдығы автоматты болған және нақтырақ ережелерде жалпырақтарынан жоғарырақ басымдық болған алдыңғы нұсқамен салыстырғанда маңызды мінез-құлық өзгерісі болып табылады.

Қосылымдарды кіріс және шығыс қосылымдарға бөлуге болады. Кіріс қосылымдарды жергілікті жүйемен қосылым орнатуға әрекет етіп жатқан қашықтағы компьютер бастайды. Шығыс қосылымдар керісінше жұмыс істейді – жергілікті жүйе қашықтағы компьютермен байланысады.

Егер жаңа белгісіз байланыс анықталса, оған рұқсат етуді немесе оны қабылдамауды мұқият қарастыру керек. Ерікті, қауіпті немесе белгісіз қосылымдар жүйенің қауіпсіздігіне қауіп тудырады. Егер мұндай қосылым орнатылса, компьютерге байланысуға әрекет етіп жатқан қашықтағы компьютерге және бағдарламаға ерекше назар аудару ұсынылады. Көп инфильтрация жеке деректерді алуға және жіберуге немесе басты жұмыс компьютеріне басқа зиянды бағдарламаларды жүктеуге тырысады. Брандмауэр сізге осындай қосылымдарды табуға және үзуге мүмкіндік береді.