Жұмыс үстелінің хабарландырулары

Жұмыс үстелінің хабарландыруы жүйенің тапсырмалар тақтасының жанында кішкентай қалқымалы тереземен көрсетіледі. Әдепкі бойынша, ол 10 секунд бойы көрсетілуге орнатылады, кейін біртіндеп жоғалады. Бұл — сәтті өнім жаңартулары, жаңа қосылған құрылғылар, вирустарды қарап шығу тапсырмаларды орындау не жаңа табылған қауіп туралы хабарлау арқылы ESET Endpoint Security қолданбасының пайдаланушымен байланысудың басты жолы.

Жұмыс үстелінің хабарландырулары бөлімі қалқымалы хабарландырулар әрекетін теңшеу мүмкіндігін береді. Мына төлсипаттарды орнатуға болады:

Ұзақтығы — Хабарландыру хабарының көріну ұзақтығын орнатады. Мәні 3 және 30 секунд аралығында болуы керек.

Мөлдірлік — Хабарландыру хабарының пайызбен мөлдірлігін орнатады. Қолдау көрсетілетін ауқым — 0 (мөлдірліксіз) және 80 (өте жоғары мөлдірлік) аралығында.

Көрсетілетін оқиғалардың ең төмен толықтылығы — Ашылмалы мәзірден көрсетілетін хабарландырулардың бастапқы ауырлық деңгейін таңдауға болады:

•Диагностика – Бағдарламаны және жоғарыдағы барлық жазбаларды дәл реттеу үшін керек ақпаратты журналға тіркейді.

•Ақпараттық – ақпараттық хабарларды, соның ішінде сәтті жаңарту хабарларын, сондай-ақ, барлық жоғарыдағы жазбаларды жазады.

•Ескертулер – маңызды қателерді және ескерту хабарларын жазады (Antistealth дұрыс жұмыс істеп жатқан жоқ немесе жаңарту сәтсіз аяқталды).

•Қателер – Қателер (құжатты қорғау басталған жоқ) және маңызды қателер жазылады.

•Маңызды – Тек антивирустық қорғауды немесе вирус жұққан жүйені іске қосатын маңызды қателерді журналға тіркейді.

Көп пайдаланушы бар жүйелерде хабарландыруларды мына пайдаланушының экранында көрсету — Жұмыс үстелінің хабарландыруларын алуға рұқсат етілу қажет пайдаланушылардың толық есептік жазба аттарын енгізіңіз. Мысалы, егер компьютерді Әкімші есептік жазбасынан басқа есептік жазба арқылы пайдалансаңыз және жаңа өнім оқиғалары туралы хабарландыру алғыңыз келсе.