Желіні қорғау параметрлерін конфигурациялау

Әдепкі бойынша, ESET Endpoint Security қолданбасы жаңа желі анықталған кезде Windows параметрлерін пайдаланады. Жаңа желі табылған кезде диалог терезесін көрсету үшін Желіні қорғау профилінің тапсырмасын Сұрау деп өзгертіңіз. Желіні қорғау параметрлерінің конфигурациясы компьютер жаңа желіге қосылған кезде көрінеді.

Келесі Желілік қосылым профильдерінен қажетін таңдай аласыз:

Автоматты—ESET Endpoint Security профильді әр профиль үшін конфигурацияланған Белсендіргіштер негізінде автоматты түрде таңдайды.

Жеке — Сенімді желілер үшін (үй немесе кеңсе желісі). Компьютеріңіз және компьютеріңізде сақталған ортақ файлдар басқа желі пайдаланушыларына көрінеді және жүйелік ресурстар желідегі басқа пайдаланушылар үшін қолжетімді (ортақ файлдар мен принтерлерге кіру рұқсаты беріледі, кіріс RPC байланысы іске қосылады және жұмыс үстелін қашықтан бөлісу қолжетімді болады). Қауіпсіз жергілікті желіге қатынасу кезінде осы параметрді пайдалану ұсынылады. Бұл профиль Windows жүйесінде Домен немесе Жеке желі ретінде конфигурацияланған болса, ол желі байланысына автоматты түрде тағайындалады.

Жалпыға қолжетімді — Сенімсіз желілер үшін (жалпыға қол жетімді желі). Жүйеңіздегі файлдар мен қалталар желідегі басқа пайдаланушылармен бөлісілмейді не көрінбейді және жүйелік ресурстарды бөлісу ажыратылады. Сымсыз желілерге қатынасу кезінде осы параметрді пайдалану ұсынылады. Бұл профиль Windows жүйесінде Домен немесе Жеке желі ретінде конфигурацияланбаған кез келген желі байланысына автоматты түрде тағайындалады.

Пайдаланушы анықтайтын профиль — Ашылмалы мәзірден сіз жасаған профильді таңдай аласыз. Бұл опция кемінде бір реттелетін профильді жасаған жағдайда ғана қол жетімді болады.