Қарап шығу нысандары

Қарап шығу нысаналары ашылмалы мәзірі алдын ала анықталған қарап шығу нысаналарын таңдауға мүмкіндік береді.

• Профиль параметрлері бойынша — Таңдалған қарап шығу профилінде көрсетілген нысандарды таңдайды.
• Алынбалы құрал – Дискеталарды, USB сақтау құрылғыларын, CD/DVD дискілерді таңдайды.
• Жергілікті дискілер – Жүйелік қатты дискілердің барлығын таңдайды.
• Желі дискілері – Барлық көрсетілген желі дискілерін таңдайды.
• Таңдаулы ретпен таңдау — Барлық алдыңғы таңдаулардан бас тартады.

Сондай-ақ қалта (тармақ) құрылымында арнайы қарап шығу нысандары бар.

• Оперативті жад — Оперативті жадпен пайдаланылатын барлық процестерді және деректерді қарап шығады.
• Жүктеу бөліктері/UEFI — Жүктеу бөліктерінде және UEFI ішінде зиянды бағдарламаның бар-жоғын қарап шығады. UEFI сканері туралы көбірек глоссарийде оқыңыз.
• WMI дерекқоры — Windows Management Instrumentation WMI дерекқорын толық, барлық атау кеңістіктерін, барлық сынып даналарын және барлық сипаттарды қарап шығады. Вирус жұққан файлдар немесе деректер ретінде ендірілген зиянды бағдарлама сілтемелерін іздейді.
• Жүйелік тізбе — Жүйелік тізбені толық, барлық кілттерді және ішкі кілттерді қарап шығады. Вирус жұққан файлдар немесе деректер ретінде ендірілген зиянды бағдарлама сілтемелерін іздейді. Анықталған элементтерді тазалаған кезде сілтеме маңызды деректердің жоғалып кетпеуі үшін тізбеде қалады.

Қарап шығу нысанасына (файлға немесе қалтаға) жылдам өту үшін ағаш құрылымының астындағы мәтін өрісіне оның сілтеме жолын теріңіз. Сілтеме жолдың әріптерінің үлкен-кішілігі ескеріледі. Нысананы қарап шығу ауқымына қосу үшін ағаш құрылымындағы оның құсбелгісін қойыңыз.