Диагностикалар

Диагностика ESET процестерінің (мысалы, ekrn) бағдарлама бұзылуының дамптарын қамтамасыз етеді. Егер бағдарлама бұзылса, дамп жасалады. Бұл әзірлеушілерге күйін келтіруге және әр түрлі ESET Endpoint Security ақаулықтарын түзетуге көмектесе алады.

Дамп түрі жанындағы ашылмалы мәзірді басыңыз және үш қолжетімді опцияның біреуін таңдаңыз:

• Осы мүмкіндікті өшіру үшін Өшіру опциясын таңдаңыз.
• Шағын (әдепкі) – Қолданба неге күтпеген жерде жаңылысқанын анықтауға көмектесуі мүмкін пайдалы ақпараттың ең шағын жиынын жазып алады. Бұл дамп файлының түрін бос орын шектеулі болғанда пайдалы болуы мүмкін, бірақ, шектеулі ақпарат болғандықтан, мәселе пайда болған уақытта орындалып жатқан ағын тікелей тудырмаған қателер осы файлды талдау кезінде анықталмауы мүмкін.
• Толық – Қолданба күтпеген жерде тоқтағанда жүйелік жадтың бүкіл мазмұнын жазып алады. Толық жад дампында жад дампы жиналып жатқанда орындалып жатқан процестердің деректері болуы мүмкін.

Нысан каталогы – бұзылу кезінде дамп жасалатын каталог.

Диагностика қалтасын ашу – Осы каталогты жаңа Windows explorer терезесінде ашу үшін Ашу түймесін басыңыз.

Диагностикалық дампты жасау – Мақсатты каталог ішінде диагностикалық дампты жасау үшін Жасау түймесін басыңыз.

Кеңейтілген журналға тіркеу

Антиспам механизмінің кеңейтілген журнал жүргізуін қосу – Антиспамның қарап шығуы барысында орын алатын барлық оқиғаларды жазып алады. Бұл әзірлеушілерге ESET Antispam механизміне қатысты мәселелерді диагностикалауға және шешуге көмектеседі.

Компьютер сканерінің кеңейтілген журналға тіркеуін қосу — Компьютерді қарап шығу немесе Файлдық жүйені нақты уақытта қорғау арқылы файлдар мен қалталарды қарап шығу кезінде орын барлық оқиғаларды жазу.

Құрылғыны басқарудың кеңейтілген журнал жүргізуін қосу — Құрылғыны басқару ішінде орын алатын барлық оқиғаларды жазу. Бұл әзірлеушілерге Құрылғыны басқаруға қатысты мәселелерді диагностикалауға және шешуге көмектеседі.

Direct Cloud кеңейтілген журналға тіркеуін қосу – Өнім мен Direct Cloud серверлері арасындағы өнім туралы байланыстардың барлығын жазып алыңыз.

Құжатты қорғауды кеңейтілген журналға тіркеуін қосу — Мәселелерді диагностикалау мен шешу мүмкіндігі үшін Құжатты қорғау ішінде орын алатын барлық оқиғаларды жазу.

Kernel кеңейтілген журналын жүргізуді қосу — Ақаулықтарды диагностикалау және шешу мүмкіндігі үшін ESET Kernel қызметінде (ekrn) орын алатын барлық оқиғаларды жазыңыз.

Лицензиялаудың кеңейтілген журнал жүргізуін қосу — Өнімнің ESET белсендіру және ESET Business Account серверлерімен барлық байланысын жазу.

Жад қадағалауын қосу — Әзірлеушілерге жад жылыстауын диагностикалауға көмектесетін барлық оқиғаларды жазыңыз.

Желіні қорғаудың кеңейтілген журнал жүргізуін қосу – әзірлеушілерге брандмауэрге қатысты мәселелерді диагностикалауға және шешуге көмектесу үшін брандмауэр арқылы өтетін бүкіл желілік деректерді PCAP пішімінде сақтайды.

Операциялық жүйенің кеңейтілген журналға тіркеуін қосу – Операциялық жүйе туралы қосымша ақпарат, соның ішінде іске қосылған процестер, орталық процессор әрекеті, диск әрекеттері жиналады. Бұл әзірлеушілерге операциялық жүйеңізде іске қосылған ESET өніміне қатысты ақаулықтарды диагностикалау мен түзетуге көмектеседі.

Протокол сүзудің кеңейтілген журналға тіркеуін қосу – Әзірлеушілерге протоколды сүзуге қатысты мәселелерді диагностикалауға және шешуге көмектесу үшін протоколды сүзу механизмі арқылы өтетін барлық деректерді PCAP пішімінде жазу.

Push хабар алмасуын кеңейтілген журналға тіркеуін қосу – Диагностика және мәселелерді шешу мақсатында push хабар алмасуы кезінде орын алатын барлық оқиғаларды жазыңыз.

Файлдық жүйені нақты уақытта қорғаудың кеңейтілген журналға тіркелуін іске қосу — Мәселелерді анықтауға және шешуге мүмкіндік алу үшін Файлдық жүйені нақты уақытта қорғау қосулы кезде орын алатын барлық оқиғаларды жазу.

Қауіпсіз браузердің кеңейтілген журналға тіркеу мүмкіндігін іске қосу – Мәселелерді диагностикалау және шешуге мүмкіндік беру үшін Қорғалған браузерде орын алатын барлық оқиғаларды жазу.

Жаңарту механизмінің кеңейтілген журналға тіркеуін қосу – Жаңарту процесі кезінде орын алатын барлық оқиғаларды жазып алады. Бұл әзірлеушілерге жаңарту механизміне қатысты мәселелерді диагностикалауға және шешуге көмектеседі.

Веб басқарудың кеңейтілген журналға тіркеуін қосу – Веб басқару ішінде орын алатын барлық оқиғаларды жазып алады. Бұл әзірлеушілерге Веб басқаруға қатысты мәселелерді диагностикалауға және шешуге көмектеседі.

Журнал файлдарының орны

C:\ProgramData\ESET\ESET Endpoint Security\Diagnostics\