ESET Endpoint Antivirus бағдарламасын белсендіру әдісі

Орнату аяқталғаннан кейін өнімді белсендіру сұралады.

Өнімді белсендірудің бірнеше әдісі бар. Әр елде, әрі тарату құралына (ESET веб-беті, .msi немесе .exe орнатқыш түрі, т.б.) қарай белсендіру терезесіндегі белгілі бір белсендіру сценарийінің қолжетімділігі әр түрлі болуы мүмкін.

Бағдарламадан ESET Endpoint Antivirus көшірмесін тікелей белсендіру үшін ESET Endpoint Antivirus негізгі бағдарлама терезесін ашып, негізгі мәзірде Анықтама және қолдау > Өнімді белсендіру немесе Қорғаныс күйі > Өнімді белсендіру түймешігін басыңыз.

ESET Endpoint Antivirus бағдарламасын белсендіру үшін келесі әдістердің кез келгенін пайдалануға болады:

• Сатып алған Лицензия кілтін пайдалану – лицензия иесін идентификациялау және лицензияны белсендіру үшін пайдаланылатын XXXX-XXXX-XXXX-XXXX-XXXX пішіміндегі бірегей жол.
• ESET Business Account — ESET Business Account порталында порталында тіркелгі деректерімен (электрондық пошта мекенжайы + құпия сөз) жасалған есептік жазба. Бұл әдіс бір орыннан бірнеше лицензияны басқаруға мүмкіндік береді.
• Офлайн лицензия – лицензия туралы ақпаратты беру үшін ESET өніміне тасымалданатын автоматты түрде жасалатын файл. Егер лицензия сізге оффлайн лицензия файлын (.lf) жүктеуге мүмкіндік берсе, сол файлды оффлайн белсендіруді орындау үшін пайдалануға болады. Оффлайн лицензиялардың саны қол жетімді лицензиялардың жалпы санынан шегеріледі. Оффлайн файлды жасау туралы қосымша мәліметтерді алу үшін ESET Business Account пайдаланушы нұсқаулығын қараңыз.

Компьютеріңіз басқарылатын желінің мүшесі болса, Кейінірек белсендіру түймесін басыңыз, сонда әкімші ESET PROTECT арқылы қашықтан белсендіруді орындайды. Сондай-ақ, бұл опцияны осы клиентті кейінірек белсендіру керек болған жағдайда пайдалануға болады.

Егер ескі ESET өнімдерін белсендіру үшін пайдаланылған пайдаланушы аты мен құпия сөзіңіз болып, ESET Endpoint Antivirus қолданбасын белсендіру әдісін білмесеңіз, бұрынғы тіркелгі деректерін Лицензиялық кілтке түрлендіріңіз.

Өнімді белсендіру сәтсіз аяқталды ма?

Өнім лицензиясын кез келген уақытта өзгертуге болады. Бұл үшін негізгі бағдарлама терезесінде Анықтама және қолдау > Лицензияны өзгерту тармағын басыңыз. ESET қолдау қызметіне лицензияңызды анықтау үшін пайдаланылатын жалпы лицензия идентификаторын көресіз. Компьютер тіркелген пайдаланушы аты Туралы бөлімінде сақталады, оны жүйелік науа белгішесін тінтуірдің оң жақ түймесімен басу арқылы көруге болады.